Song Title : Mama (මම)
Artist : Hashen Dulanjana
Lyrics : Chathurika Vinodi Perera
Music & Melody : Tharindu Damsara
Music composition, mixing & mastering : Sanjula Himala
Guitar arrangements : Kavin Harshana
ආලෝක වර්ෂ දහසක් දුරින්
කාල කුහරයක පතුලත
කුඩා එළි තිතක් දල්වා ලමි
සඟවා ගනිමි වට අවට
ඝනව පැතිරුණ අන්ධකාරය
මෙරු තටු සැලෙන වේගෙන් ගැහෙන
මීන දෑසකි ඔබ සතුව
අඳුරු කුටියක ස්පන්දනය වන
ගැඹුරු මා හද විනිවිදින
එහෙයින්ම මම
ගැඹුරුය
නිසලය
නිසසලය
විසල් කරමින් දෑස
මදහසින් රේඛා මවාගමි
මෙතැන් සිට නුඹට
අඳුර තුළ වුව නොයෙක් පැහැ දිලෙනු ඇත
එහෙයින්ම මම
ගැඹුරුය
නිසලය
නිසසලය
'' ආලෝකය නොඑන අඳුරු කුටියක ස්පන්දනය වන මගේ හද ගැඹුර විනිවිද යන ඔබේ මීන දෑස මෙරු තටු සැලෙන වේගයෙන් ගැහෙමින් පවතී. සොඳුර ඔබ චංචල වී ඇත. එනිසාවෙන්ම මම නිනිශ්චලව සිටීමට උත්සහ කරමි.
ආලෝක වර්ෂ දහසක් දුරින් පිහිටි කාල කුහරයක පතුලෙහි කුඩා එළි තිතක්ව දැල්වෙන මගේ ප්රේමය ඔබ හැඳින ගනීවිද සොඳුරිය?
බලාපොරොත්තු නොමැති ජීවිතයක ඝන අන්ධකාරය මා අවට පැතිරී ඇති නිසාවෙන් ඔබේ සිහිනයන් තුළ ඔබ ගිලී යන මොහොතක විසල් කරමින් දෑස ඔබට පෙනෙන්නට මදහසින් රේඛා මවා ගන්නට මම උත්සහ කරමි.
එහෙයින්ම ප්රේමිය මෙතැන් සිට නුඹට මගේ දෑසෙහි අන්ධකාරය තුළ වුව ඔබේ සිහිනයන්ගේ නොයෙක් වර්ණයන් පෙනෙනු ඇත.
එනිසාවෙන්ම ඔබට ඉඩ දී මම නිහඬව වෙසෙමි; නිශ්චලව වෙසෙමි; ගැඹුරින් ඔබට ප්රේම කරමි. ''
0 comments:
Post a Comment