✅ අවශ්‍ය ද්‍රව්‍ය :
- 🦐 අමු ඉස්සන් 500g ක් පමණ
- 🦐 බී ලූනු ගෙඩි 2 ක්
- 🦐 අමු මිරිස් කරල් 6 ක්
- 🦐 මාලු මිරිස් කරල් 2 ක්
- 🦐 තලාගත් ඉඟුරු ,සුදුලූනු ටිකක්
- 🦐 කරපිංචා ටිකක්
- 🦐 සියඹලා ටිකක්
- 🦐 කුරුඳු පොතු කැබැල්ලක්
- 🦐 සිහින්ව කපාගත් වියලි මිරිස් කරල් 2 ක්
- 🦐 අබ ඇට තේ හැඳි 1/2 ක්
- 🦐 මිරිස් කුඩු තේ හැඳි 2 ක්
- 🦐 ගම්මිරිස් කුඩු තේ හැඳි 1/2ක් පමණ
- 🦐 කහ කුඩු ස්වල්පයක්
- 🦐 සීනි තේ හැඳි 2 ක්
- 🦐 අවශ්‍ය පමණ ලුනු
- 🦐 එලවලු තෙල් හෝ පොල්තෙල්
✅ සාදා ගන්නා ආකාරය :
- 💥 ඉස්සන් හොඳින් පිරිසිදු කර ලුනුකුඩු ,කහකුඩු ,මිරිස් කුඩු ටිකක් සහ දෙහි යුශ ස්වල්පයක් එකතු කර හොඳින් මිශ්‍ර කර පැය බාගයක් පමණ තබන්න .
- 💥 සියඹලා ටිකක් ගෙන උණු වතුර මේස හැඳි 2 ක් එකතු කර දියකර ගන්න .
- 💥 බී ලූනු සිහින්ව කොටු හැඩයට කපා ගන්න .
- 💥 අමු මිරිස් කරල් දිග අතට මැදින් කැපුමක් දා ගන්න.
- 💥 මාලු මිරිස් කරල් දිග අතට කපා ගන්න .
- 💥 දැන් පෑන් එකක් ගෙන තෙල් මේස හැඳි 3 ක් පමණ දමා රත් කර, සීසන් කරගත් ඉස්සන් රත් වූ තෙලට දමා රන්වන් පැහැ වනතුරු දෙපැත්ත දමා බැද ගෙන පසෙකින් තබන්න .
- 💥 පසුව වෙනත් භාජනයක් ගෙන තෙල් මේස හැඳි 2 ක් පමණ දමා රත් වන විට අබඇට දමා පුපුරුවා ගන්න .
- 💥 එයටම වියලි මිරිස් සහ කුරුඳු පොතු දමන්න .
- 💥 පසුව කොටු කපාගත් බී ලුනු එකතු කර හොඳින් මිශ්‍ර කරමින් තෙම්පරාදු කර ගන්න .
- 💥 දැන් එයට තලාගත් ඉඟුරු , සුදුලූනු සහ කරපිංචා එකතු කරන්න .
- 💥 දැන් මිරිස් කුඩු,කහ කුඩු සහ ගම්මිරිස් කුඩු එකතු කර ගින්දර අඩුකර විනාඩි 2 ක් පමණ පිස ගන්න .
- 💥 පසුව දියකර ගත් සියඹලා ඉස්ම මේස හැඳි 2 ක් , සීනි සහ අවශ්‍ය පමණ ලුනු එකතු කරන්න .
- 💥 මද වේලාවක් පිස ගන්න .
- 💥 පසුව බැදගත් ඉස්සන් එකතු කරන්න .
- 💥 මාලු මිරිස් සහ අමු මිරිස් ද එකතු කර හොඳින් මිශ්‍ර කරන්න .
- 💥 පියන වසා මද ගින්නේ ටික වේලාවක් පිස ගන්න .
- 💥 ඔබට සරසා ගැනීමට අවශ්‍ය නම් වියලි මිරිස් කරල් 2,3 ක් සහ කරපිංචා කොල ටිකක් බැද උඩින් එකතු කරන්න .
රවුම් කපාගත් බී ලූනු පෙති සහ දෙහි පෙති පැත්තකින් ෆොටෝ එකේ පෙනෙන විදියට එකතු කර ගන්නත් පුළුවන් 😍 🍁ඔන්න එහෙනම් හදලා බලලා මටත් රස කියන්නකෝ 😍 😍 මටත් 🦐 ෆොටෝ එකක් එවන්න අමතක කරන්න එපා 😊
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment