Your Choice Way

චීස් ගෙදර හදමු (Cheese Hadamu)

චීස් ගෙදර හදමු (Cheese Hadamu) - Your Choice Way

මේ දිනවල ගෙදර හදන චීස් මුහුණු පොත පුරාම දකින්න ලැබුණා. ඉතිං මටත් හිතුනා හදලා බලලා ඔයාලා එක්ක ඒ අත්දැකීම බෙදා ගන්න ඕන කියලා 😍.පැහැදිලිවම කියනවා අදහස මගෙ නෙමෙයි මුහුණු පොතෙන් ගත්තා.නමුත් එකතු කල ද්‍රව්‍ය මට අවශ්‍ය ප්‍රමාණ වලින් යොදාගෙන තමයි මං මේ චීස් හැදුවෙ.ජෙලටින් එකතු කරලා හදන චීස් එකක් නිසා කුඩා දරුවන් ට දීම කොතරම් දුරට සෞඛ්‍යාරක්ෂිත ද කියන්න නම් මම දන්නෙ නැහැ . 

✅ අවශ්‍ය ද්‍රව්‍ය :

  • 🍂 කිරි ලීටර් 1 ක් (ෆ්‍රෙශ් මිල්ක් / එලකිරි / පිටිකිරි)
  • 🍂 විනාකිරි මේස හැඳි 2 1/2 ක්
  • 🍂 ජෙලටින් තේ හැඳි 2 1/2 ක්
  • 🍂 ලුණු තේ හැඳි 1/2 ක්
🍁 පිටිකිරි පාවිච්චි කරනවා නම් සම්පූර්ණ යොදය සහිත කිරිපිටි වර්ගයකින් මේස හැඳි 8 ක් ජලය ලීටරයක දිය කරලා ගන්න.

✅ සාදා ගන්නා ආකාරය :

  1. ♨️ කිරි වලින් කෝප්පයක් අයින් කර ගන්න .
  2. ♨️ ඉන් කෝප්ප 1/2 ක් ගෙන ජෙලටින් දමා මිශ්‍ර කර පෙඟෙන්න තබන්න .
  3. ♨️ ඉතිරි කෝප්ප 1/2 පසෙකින් තබා ගන්න.
  4. ♨️ දැන් භාජනයක් ගෙන එයට කෝප්පයක ප්‍රමාණයක් ඉවත් කරගත් ඉතිරි කිරි ටික පෙරා එකතු කරන්න .
  5. ♨️ දැන් මද ගින්දරේ ඇඟිල්ල දමන්න පුළුවන් වන ප්‍රමාණයට රත් කර ලිප නිවන්න.
  6. ♨️ රත් කරගත් කිරි වලට විනාකිරි ටික ටික එකතු කරමින් මිශ්‍ර කරන්න .
  7. ♨️ දැන් ඔයාලට  පෙනේවි කිරි කැටි ගැසී ලාකොල පැහැයට වතුර ඉතිරි වෙනවා .
  8. ♨️  කිරි කැටි වෙන්න විනාකිරි මදි වගේ නම් තව පොඩි ප්‍රමාණයක් එකතු කර ගන්න.මට අවශ්‍ය උනේ මේස හැඳි 2 1/2 ක් පමණ යි. ලොකු ප්‍රමාණයක් එකතු කර ගන්න එපා චීස් එකේ විනාකිරි සුවඳ , රස දැනෙන්න පුලුවන් .
  9. ♨️ දැන් පිරිසිදු රෙදි කැබැල්ලකින් මේ කිරි ටික පෙරා ගන්න.
  10. ♨️ පෙරාගත් කිරි කැටිවල වතුර මිරිකා ඉවත් කර ගන්න.
  11. ♨️ දැන් මේ වතුර ඉවත් කරගත් කිරි, ලුණු සහ ඉතිරි කරගත් කිරි කෝප්ප 1/2 එකතු කර හොඳින් බ්ලෙන්ඩ් කර ගන්න.
  12. ♨️ පසුව භාජනයක් ගෙන කිරි වල පෙඟෙන්න දමා තිබූ ජෙලටින් එකතු කර මද ගින්නේ හැඳි ගාමින් ජෙලටින් දියකර ගන්න.
  13. ♨️ ජෙලටින් හොඳින් දියවූ පසු බ්ලෙන්ඩ් කරගත් කිරි මිශ්‍රණය ද එයට එකතු කර තරමක් ඝනවන තුරු හැඳි ගාන්න.
  14. ♨️ විනාඩි 5 කින් විතර මිශ්‍රණය ඝන වෙනවා එවිට ලිපෙන් ඉවතට ගෙන භාජනයකට දමා නිවෙන්න තබන්න .
  15. ♨️ හොඳින් නිවුනු පසු ශීතකරණයේ දමා පැය 2,3 කින් හොඳින් සෙට් වෙනවා,කෑලි කපා රස විඳින්න පුළුවන් 😍

හොඳ රසයක් වගේම හොඳ සුවඳක් තියෙනවා.විනාකිරි දැම්මා කියලා විනාකිරි රසවත් සුවඳවත් චීස් වල තිබුනෙ නැහැ . ඔන්න එහෙනම් ඔයාලත් චීස් හදාගෙන ඉන්න 😍😍😍😍 මේ චීස් එකතු කරලා මං හදා ගනිපු පීසා රෙසිපියත් ඉක්මනින් මං ඔයාලට අරන් එන්නම්.

හෙළයේ රස මිහිර
චීස් ගෙදර හදමු (Cheese Hadamu) - Your Choice Way

චීස් ගෙදර හදමු (Cheese Hadamu) - Your Choice Way

චීස් ගෙදර හදමු (Cheese Hadamu) - Your Choice Way
අපගේ page එකටත් like කරන්න

👇👇👇 අපගේ android app එක(Click Image) 👇👇👇
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
චීස් ගෙදර හදමු (Cheese Hadamu) චීස් ගෙදර හදමු (Cheese Hadamu) Reviewed by Wanni Arachchige Udara Madusanka Perera on Friday, May 27, 2022 Rating: 5

0 comments:

Post a Comment