Your Choice Way

චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - පළමු කොටස

චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - Your Choice Way
“මුහුදු කොල්ලකරුවන්” යන වචනය ඔබට ඇසෙන විට නිසැකවම ඔබ සිහියට එන්නේ ශතවර්ෂ ගණනාවක් තිස්සේ මිලියන සංඛ්‍යාත යෞවනයන් හා වැඩිහිටියන් මවිතයට පත් කර ඇති ප්‍රවීණ දරුණු මිනිසුන් පිරිසක් ගැනය.  බ්ලැක්බියර්ඩ්(Blackbeard), හෙන්රි මෝගන්(Henry Morgan) සහ ශ්‍රීමත් ෆ්‍රැන්සිස් ඩ්‍රේක්(Sir Francis Drake) වැනි නම් ඉතිහාස පාඨකයන්ට තම මනසෙන් කිසිදා අමතක කළ නොහැකිය.  මෙම මිනිසුන් සෑම විටම වඩාත් සාර්ථක මුහුදු කොල්ලකරුවන් ලෙස සැලකේ.  මෙම ජනප්‍රිය අදහස්වලට පටහැනිව, වාර්තාගත ඉතිහාසයේ වඩාත්ම සාර්ථක මුහුදු කොල්ලකරුවන්ගේ ස්වාමියා කලින් සඳහන් කළ ඇමරිකානු හෝ යුරෝපීය පුරුෂයන් කිසිවෙකු නොවීය.

ඒ වෙනුවට "ඇය" අසාමාන්‍ය ආසියානු කාන්තාවක් වූ අතර ඇය අද හැඳින්වෙන්නේ චිං ෂිහ්(Ching Shih) යනුවෙනි. එය සරලවම ‘චිංගේ වැන්දඹුව’ ලෙස පරිවර්තනය වේ. ඇයගේ බලයේ උච්චතම අවස්ථාවේ දී, ඇය විශාල නැව් 800 කට වැඩි ප්‍රමාණයක්, කුඩා යාත්‍රා 1000 ක් සහ මුහුදු කොල්ලකරුවන්ගේ 70,000 කට අධික පිරිසකට අණ දුන්නාය. (සාපේක්ෂව ගත් කල, බලයේ උච්චතම අවස්ථාවේදී බ්ලැක්බියර්ඩ් පාළනය කලේද නැව් 300 ක් සහ මුහුදු කොල්ලකරුවන් දහස් ගණනක් පමණි)

චිං ෂිහ් උපත ලැබුවේ 1775 දී චීනයේ ගුවැන්ඩොං(Guangdong) පළාතේ දරිද්‍රතාවයෙන් පෙළෙන සමාජයේ ය.  මෙම කාල පරිච්ඡේදයේ බොහෝ කාන්තාවන්ට මෙන් වයස අවුරුදු දහතුනක් වන විට වැඩිවිය පැමිණීමෙන් පසු, ඇගේ පවුලේ ආදායමට අතිරේකව ගණිකා වෘත්තියේ යෙදීමට ඇයට සිදුවිය.  ඇය කැන්ටොනිස් වරාය නගරයේ මල් බෝට්ටු ලෙසද හැඳින්වෙන පාවෙන ගණිකා නිවාසයක සේවය කළාය.  මෙම බෝට්ටු පාරිභෝගිකයා සමඟ අසල වෙරළ තීරයේ යාත්‍රා කරනු ලබයි. බෝට්ටුව පෙරළීම ලිංගික වින්දනයට මුළුමනින්ම නව මානයක් එක් කළ බවත්, සමස්ත අත්දැකීම් වැඩිදියුණු කළ බවත් චීන ජාතිකයෝ වටහා ගත්හ.

කෙටි කාලයක් තුළ තරුණ චිං ෂීහ් නගරයේ කතාබහට ලක්ව ඇත්තේ ඇගේ කැපී පෙනෙන සුන්දරත්වය, මනස්කාන්ත ස්වභාවය සහ ආගන්තුක සත්කාරය නිසාය.  රාජකීය මාළිගාවේ රාජ සභිකයන්, හමුදා අණ දෙන නිලධාරීන්, වරාය නගරයට පැමිණෙන ධනවත් වෙළෙන්දන් සහ තවත් බොහෝ ඉහළ ගනුදෙනුකරුවන් ආකර්ෂණය කර ගැනීමට ඇය සමත් විය.  මේ හැරුණු විට ඇගේ මුල් ජීවිතය ගැන සදහන්ව ඇති කරුණු ඉතා අල්පය.

වර්ෂ 1801 දී කුප්‍රකට රතු කොඩි බලඇණියේ(Red Flag Fleet) කුප්‍රකට මුහුදු කොල්ලකරුවන්ගේ අණ දෙන නිලධාරියෙකු වූ ෂෙන් යී, කැන්ටොනිස් වරායේ දී චිං ෂිහ් හමුවූ අතර ඇගේ සුන්දරත්වය ගැන පුදුමයට පත් විය.  ඔහු පාවෙන ගණිකා නිවාසයට ගොස් චිං ෂිහ්ව මුණගැසී, ඔහුගේ හැඟීම් ප්‍රකාශ කර ඇයව විවාහ කර ගන්නා ලෙස ඉල්ලා සිටියේය.  මෙම අවස්ථාවෙහිදී, චිං ෂිහ් ඇය විවාහ කර ගන්නේ “ඔහුගේ මූල්‍යමය වාසි වලින් සියයට පනහක් සහ ඔහුගේ මුහුදු කොල්ලකරුවන්ගේ නෞකා පාලනය කිරීම සඳහා ඇයට සියයට පනහක කොටසක් ලබා දුන්නොත් පමණයි” කියා ඇය පැවසුවාය. ඇය කෙරෙහි ඇති ආදරය තුළ ගිලී සිටි ෂෙන් යී ඇගේ කොන්දේසිවලට නිරන්තරයෙන් එකඟ වී ඇය සමඟ විවාහ විය.  මෙම සිදුවීම් දාමයේ නිරවද්‍යතාවය අද බොහෝ විට විවාදයට භාජනය වේ.  සමහරු කියා සිටින්නේ ෂෙං යී තම පිරිසට චිං ෂිහ්ව ගණිකා නිවාසයෙන් පැහැරගෙන ගොස් බලහත්කාරයෙන් විවාහ කර ගත් බවයි.

කෙසේ හෝ වේවා මෙයින් වැඩි වාසි ලබා ගත්තේ චිං ෂිහ්ය. එමඟින් ඇය ඉතිහාසයට එක්වූයේ වාර්තාගත මානව ඉතිහාසයේ වඩාත්ම සාර්ථක මුහුදු කොල්ලකරුවන්ගෙන් කෙනෙකු ලෙසය. ෂෙං යී සහ චිං ෂීගේ ඒකාබද්ධ අණ යටතේ රතු කොඩි බලඇණිය වෙන කවරදාටත් වඩා වර්ධනය වී සමෘද්ධිමත් විය.  ඔවුන්ගේ විවාහ මංගල්‍යය වන විට තිබූ නැව් 200 සිට නැව් 1800 දක්වා ඉදිරි මාස කිහිපය තුළ නැව් සමූහය වර්ධනය විය.

තම විවාහය වූ විගසම, චිං ෂිහ් විසින් ප්‍රබල ප්‍රතිසංස්කරණ කිහිපයක් ක්‍රියාත්මක කළ අතර සියලු කාර්ය මණ්ඩලය විසින් දැඩි ලෙස පිළිපැදිය යුතු නීති සංග්‍රහයක් සකස් කරන ලදී.

ලබා දෙන නියෝග නොසලකන හෝ ප්‍රතික්ෂේප කරන කොල්ලකරුවන් හේතු නොඅසාම එම ස්ථානයේදීම ඝාතනය කිරීම, කොල්ලකණු ලැබූ භාණ්ඩ සොරා ගෙන හසුවුව හොත් අපරාධයේ පරිමාව අනුව ඔවුන්ගේ ශරීරයේ කොටසක් කපා දමනු ලැබීම, ස්ත්‍රී දූෂණය බරපතල වරදක් ලෙස සලකනු ලැබූ අතර මෙම වැරදිකරුවන් වහාම එල්ලා මරා දමන ලදී.

මේ හැරුණු විට කාර්ය මණ්ඩලයට ඔවුන්ගේ පක්ෂපාතිත්වය වෙනුවෙන් ත්‍යාග ලබා දීමද සිදු කරන ලදී.

මෙහි ප්‍රතිඵලය වූයේ කලාපයේ මුහුදු කොල්ලකරුවන්ගේ කණ්ඩායම් බොහොමයක් කොන්දේසි විරහිතව රතු කොඩි බලඇණිය යටතේ ඒකාබද්ධ වීමයි. එහි ප්‍රතිඵලය වූයේ එය පෘථිවියේ විශාලතම මුහුදු කොල්ලකරුවන්ගේ බලඇණිය බවට පත්වීමයි. 

දෙවැනි කොටසින් හමුවෙමු....... විශ්මිත ඉතිහාසය
චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - Your Choice Way
1871 දී චීනයේ කැන්ටන් කලාපයේ මල් බෝට්ටු

චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - Your Choice Way
1800 දී කැන්ටන් නගරයේ සිතුවමක්

චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - Your Choice Way
කැන්ටන්හි ඡායාරූපයක්. චිං ෂීහ් මෙවැනි මුහුදු කොල්ලකරුවන්ගේ නැව් 1800 ක් පමණ ඇගේ බලයේ උපරිම අවස්ථාවේදී පාලනය කලාය
👇👇👇 අපගේ android app එක(Click Image) 👇👇👇
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - පළමු කොටස චිං ෂිහ්: වාර්ථාගත ඉතිහාසයේ වඩාත් සාර්ථක හා මාරාන්තික මුහුදු කොල්ලකාරිය බවට පත් වූ ගණිකාව (Zheng Yi Sao) - පළමු කොටස Reviewed by Wanni Arachchige Udara Madusanka Perera on Wednesday, November 03, 2021 Rating: 5

0 comments:

Post a Comment