පර්සි පිල්චර් (Percy Pilcher) බ්‍රිතාන්‍ය ජාතික නාවික ඉංජිනේරුවෙකු වූ අතර පියාසර කිරීම පිළිබඳ දැඩි උනන්දුවක් දැක්වූ අයෙකි. ඔහු රයිට් සොහොයුරන් එක්සත් ජනපදයේ ගුවන් ගත වීමට වසර හතරකට පෙර බ්‍රිතාන්‍යයේදී පියාසර කිරීමේ රහස් සොයා ගැනීමට සමත් විය.
1895 දී පිල්චර් සිය පළමු ග්ලයිඩරය (එන්ජිමක් භාවිතා නොකර පියාසර කිරීම සඳහා නිර්මාණය කර ඇති සැහැල්ලු ගුවන් යානයකි) ‘ද බැට්’ නමින් නිපදවන අතර එය ස්කොට්ලන්තයේ කාඩ්‍රොස් හිදී අහසට නංවන ලදී.
ඔටෝ ලිලියන්ටා යනු ජර්මානු ගුවන් සේවා පරික්ෂන වල පුරෝගාමියා ලෙස හැඳින්වූ පුද්ගලයෙකි. "පියාඹන මිනිසා" ලෙස ප්‍රසිද්ධියට පත්ව ඇති ඔහු ග්ලයිඩර් සමඟ සිදු කළ හොඳින් ලේඛනගත සහ නැවත නැවතත්, සාර්ථක ගුවන් ගමන් කළ පළමු පුද්ගලයා ඔහු විය.
ඔහුගේ පරීක්ෂණ පිළිබඳ කන වැකුණු පිල්චර් ඉන් ඉගැනීමට ජර්මනියට ගිය අතර එමගින් තවත් ග්ලයිඩර් දෙකක් වන ‘බීට්ල්’ සහ ‘ද ගුල්’ තැනීමට එම සංචාර වලදී ඔහු ලබා ගත් කරුණු ඔහුට උපකාරී විය.
නමුත් පිල්චර්ගේ හොඳම ග්ලයිඩරය වූයේ ‘ද හෝක්’ ලෙසින් හැඳින්වූ ග්ලයිඩරය යි. එය ලොව ප්‍රථම වරට රෝද සහිත පතුලකින් සමන්විත විය. මෙය අඩි 820ක් දක්වා පියාසර කළ අතර පිල්චර්ගේ නෑදෑ සහෝදරියක් වන ඩොරති පිල්චර් නම් කාන්තාවක් පවා මෙහි පියාසර කරන ලදී.
පිල්චර්ගේ අවසාන අභිලාෂයවූ බලයෙන් පියාසර කරන ගුවන් යානයක් සදහා 1896 දී ඔහු පේටන්ට් බලපත්‍රයක් ගොනු කළේය. 1899 වන විට ඔහු එය ක්‍රියාත්මක කිරීම සඳහා ට්‍රයිප්ලේන් (සිරස් අතට සිරස්ව ඇති පියාපත් තුනකින් සමන්විත ස්ථාවර පියාපත් සහිත ගුවන් යානාවක්) සහ සැහැල්ලු එන්ජිමක් ඉදිකර තිබේ. ඔහු සිය ගුවන් යානය පිළිබඳ නිරූපණයක් සැප්තැම්බර් 30 වන දින මාකට් හාබර් අසල ස්ටැන්ෆර්ඩ් ශාලාවේදී සංවිධානය කළේය. වේදිකාව සකසා තිබුනද, අවාසනාවකට පළමු ගුවන් ගමනට දින කිහිපයකට පෙර දොඹකරයක් කැඩී ගියේය. නමුත් ගුවන් ගමන නැවතීමට අකමැති වූ පිල්චර් ඒ වෙනුවට ‘ද හෝක්’ ග්ලයිඩරය පියාසර කිරීමට තීරණය කළේය.
එහෙත් ඛේදජනක ලෙස ‘ද හෝක්’ ගුවන් යානය යාර සිය ගණනක් ඇතකදී අනතුරට ලක් වූ අතර පර්සි ඉන් දරුණු ලෙස තුවාල ලැබීය. ඔහු කිසි විටෙකත් සිහිය ලබා නොගත් අතර දින දෙකකට පසු ස්ටැන්ෆර්ඩ් ශාලාවේදී මිය යන ලදී.
 |
| ඔටෝ ලිලියන්තල් |
 |
| හෝක් ග්ලයිඩර් |
0 comments:
Post a Comment