මුරුන්ගා හැමදාම හදන විදිහට නැතුව මුරුංගා බැදලා මස් වගේ උයන විදිහ තමා දැන් කියලා දෙන්න යන්නේ. හරි රසයි.
✅ අවශ්‍ය දේවල් :
- කැමති ප්‍රමාණයක් මුරුංගා
- කහ ටිකක්
- ලුණු ටිකක්
- කහ ටිකක්
- අමුතුනපහ ටිකක්
- බැදපු තුනපහ ටිකක්
- මිරිස් කුඩු ටිකක්
- ඉගුරු සුදුලුනු පේස්ට් ටිකක්
- කුරුදුපොතු කැල්ලක්
- තෙල්
- ලුනු අමුමිරිස්
- කරපිංචා
- සියබලා ඉස්ම ටිකක්
- වතුර
- උකු පොල් කිරි
✅ සාදාගන්නා ආකාරය :
- කැමති ප්‍රමාණයක් මුරුංගා අරගෙන එකේ පොතු යවා සොදන්න.
- පසුව වතුර ගතිය යවා ඒකට කහ ටිකක් ලුණු ටිකක් දමා මිශ්‍ර කර ගැඹුරු තෙලේ රන්වන් පාට වනතුරු බැද ගන්න. මුරුංගා ටික කළු වෙන්න දෙන්න එපා.
- පසුව බැද ගත් මුරුංගා වලට කහ ටිකක්, අමුතුනපහ ටිකක්, බැදපු තුනපහ ටිකක්, මිරිස් කුඩු ටිකක් වැඩිපුර දාන්න. මිරිස් සැරට මේ මුරුංගා කරි එක රසයි.
- පසුව හොදින් මිශ්‍ර කර ගෙන පසෙකින් තියන්න.
- දැන් භාජනයක් ලිප තියා එකට තෙල් ටික වෙන්න දාන්න.
- පසුව එකට ඉගුරු සුදුලුනු පේස්ට් ටිකක් හා කුරුදුපොතු කැල්ලක් දමා බැදෙන්නට හරින්න
- පසුව එකට කපා ගත් ලුනු අමුමිරිස්, කරපිංචා දමා තෙම්පරාදු කරන්න.
- දැන් මුරුංගා මිශ්‍රනය මේකට කලවම් කරන්න. මෙයටම සියබලා ඉස්ම ටිකක් එක් කර හොදින් කලවම් කර වතුර ඇබින්දක් එක් කරන්න.
- ටික වේලාවක් ගියාම උකු පොල් කිරි එක් කර කරි එක උකු ගතියට එනතුරු උයා ගන්න....
👇👇👇 අපගේ android app එක(Click Image) 👇👇👇
0 comments:
Post a Comment