Song Title : Kala Mala Nowe (කැලෑ මල නොවේ)
ගායනය : සී.ටී. ප්‍රනාන්දු
පද : සරත් විමලවීර
තනුව : සී.ටී. ප්‍රනාන්දු
කැලෑ මල නොවේ
ඕලු මල නොවේ
නිතර ඇසට පෙනෙන කුමුදු මලක් හෙම නොවේ //
තරුණ වරුණ කදිම දුවෙකි කළය හින තියා
දියට ඇදෙන ගමන සවස මෙහෙය නිම වෙලා
දැදුරු ඔය ගලා
බසින තැනිතලා
අසල තුරු ද මැයගෙ නමට මලින් බරවෙලා //
නැගෙන සඳක පලුව පරිදි නළල ඇගෙ මනා
සිහිනි ඉඟට දිලෙන සළුව හැඩට පටලවා
අහසෙ රතු වලා
නැගෙයි මැය බලා
ඇදෙන පැදෙන දෙඅත තරඟ ලෙසින් සල සලා //
තනිව පැදෙන ඔරුව පරිදි ගමන හුදකලා
දකින තරුණ මහලු හැමෝ මැයට ඉඟි කළා
ඇයද එය බලා
නුදුටු ලෙස ගියා
එයිනි රිදුණ කෙනෙකු තැවේ සුසුම් හෙළ හෙළා //
කැලෑ මල නොවේ
ඕලු මල නොවේ
නිතර ඇසට පෙනෙන කුමුදු මලක් හෙම නොවේ //
👇👇👇 අපගේ android app එක(Click Image) 👇👇👇
0 comments:
Post a Comment