අද මම ඔයාලට ගෙනාවෙ මඤ්ඤොක්කා රොටි . හැමදාමත් එකම රසට තම්බල කන මඤ්ඤොක්කා වෙනුවට අපි රොටියක රස බලමු 😍😍😍
✅ අවශ්‍ය ද්‍රව්‍ය :
- ✴️ ගාන ලද මඤ්ඤොක්කා කෝප්ප 2 ක්
- ✴️ ගාන ලද පොල් කෝප්ප 1 ක්
- ✴️ පාන් පිටි කෝප්ප 1/4 ක්
- ✴️ අවශ්‍ය පමන ලුනු
✅ සාදා ගන්නා ආකාරය :
- ✴️ මඤ්ඤොක්කා පොතු ඉවත් කර සෝදා ග්‍රේටරයකින් ගා ගන්න.
- ✴️ ගානලද මඤ්ඤොක්කා වල වැඩි දියර ගතිය මිරිකා ඉවත් කරන්න.
- ✴️ මඤ්ඤොක්කා ,පාන් පිටි, පොල් සහ ලුනු හොඳින් මිශ්‍ර කර ගුලියක් සකසා ගන්න. (මෙය තුනී කල හැකි රොටි පදමට විය යුතුයි.)
- ✴️ දැන් මේ පිටි සමාන කොටස් වලට වෙන් කර ගන්න. (මේ ප්‍රමාණයෙන් මම වෙන් කලේ කොටස් 6 කට)
- ✴️ දැන් මේ පිටි බෝල කැන්ද කොලයක හෝ කෙසෙල් කොලයක අඟල් 1/4 ක් පමණ ඝනකම සිටින සේ තුනී කරන්න .
- ✴️ රොටි තැටියක් ලිප තබා එය රත් වූ පසු සාදා ගත් රොටි ඒ මත දමා රන්වන් පැහැ වනතුරු , දෙපැත්ත දමා පුලුස්සා ගන්න.
💚මෙම ප්‍රමාණය රොටි 6 කට සෑහේ 💚
සැකසුම : © නදීෂා ගමගේ ..එහෙනම් ඔයාලත් හදලා රස බලන්නකෝ 😍😍😍
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment