✅ අවශ්‍ය ද්‍රව්‍ය :
- 🎈 මල්ගෝවා 300g ක් පමණ මලක්
- 🎈 කෝන්ෆ්ලාර් හෝ පාන්පිටි ටිකක්
- 🎈 බිත්තර සුදුමද 1 ක්
- 🎈 කොටු කපාගත් බී ලූනු ගෙඩියක්
- 🎈 කොටු කපාගත් තක්කාලි ගෙඩියක්
- 🎈 දිග අතට සිහින්ව කපාගත් අමු මිරිස් කරල් 2 ක්
- 🎈 කරපිංචා ඉත්තක්
- 🎈 තලාගත් ඉඟුරු සහ සුදුලූනු ටිකක්
- 🎈 සිහින්ව කපාගත් වියලි මිරිස් කරල් 2 ක්
- 🎈 අබ ඇට තේ හැඳි 1/2 ක් පමණ
- 🎈 කෑලි මිරිස් තේ හැඳි 2 ක්
- 🎈 ගම්මිරිස් කුඩු ටිකක්
- 🎈 කහකුඩු ටිකක්
- 🎈 සීනි තේ හැඳි 1 ක්
- 🎈 විනාකිරි මේස හැඳි 1 ක්
- 🎈 අවශ්‍ය පමණ ලුනු
- 🎈දෙහි යුශ ටිකක්
- 🎈 බැදීමට අවශ්‍ය පමණ තෙල්
✅ සාදා ගන්නා ආකාරය :
- ♨️ මුලින්ම ගෝවා මලේ කිනිති කපා සෝදා වතුර ඉවත් වෙන්න තබන්න.
- ♨️ පසුව ලුනු කුඩු, කහකුඩු සහ ගම්මිරිස් කුඩු ටිකක් එකතු කර හොඳින් මිශ්‍ර කර පසෙකින් තියන්න.
- ♨️ පසුව එයට බිත්තර සුදුමද එකතු කර හොඳින් මිශ්‍ර කරන්න.
- ♨️ දැන් තාච්චියක් හෝ පෑන් එකකට තෙල් දමා රත් කරන්න.
- ♨️ බිත්තර සුදුමද තවරා ගත් මල් ගෝවා කැබලි කෝන්ෆ්ලාර් හෝ පාන්පිටි වල දවටා රත් වූ තෙලට දමා රන්වන් පැහැ වනතුරු බැද ගන්න.
- ♨️ බැදගත් මල් ගෝවා කැබලි තෙල් ඉවත් වීමට පිරිසිදු කඩදාසියක් මතට දමන්න.
- ♨️ දැන් වෙනත් භාජනයක් ගෙන තෙල් මේස හැන්දක් පමණ දමා රත් කරන්න.
- ♨️ රත් වූ තෙලට අබ ඇට දමා පුපුරුවා ගන්න.
- ♨️ දැන් එයට තලාගත් ඉඟුරු ,සුදුළූනු , කරපිංචා සහ වියලි මිරිස් කරල් එකතු කර තෙම්පරාදු කර ගන්න.
- ♨️ පසුව එයට බීලූනු එකතු කරන්න . හොඳින් මිශ්‍ර කර මද ගින්නේ විනාඩි දෙක තුනක් තබා තක්කාලි එකතු කර ගන්න.
- ♨ ටික වේලාවකින් කෑලිමිරිස්, කහකුඩු , ගම්මිරිස් කුඩු සහ ලුනු කුඩු එකතු කර ගන්න . මිශ්‍ර කරන්න.
- ♨️ දැන් සීනි සහ විනාකිරි එකතු කරන්න.
- ♨️ අවසානයට බැදගත් මල් ගෝවා කැබලි සහ දෙහි යුශ ටිකක් එකතු කර හොඳින් මිශ්‍ර කර ලිපෙන් ඉවතට ගන්න.
😍 දැන් ඉතිං තියෙන්නේ රස බලන්න තමයි . ඔන්න එහෙනම් ඔයාලත් හදලා රස කියන්නකෝ 😋 මට ෆොටෝ එකක් එවන්න අමතක කරන්න එපා 😍😍😍😍😍😍
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment