Song Title : Neela Kobeyi (නීල කොබෙයි)
ගායනය : පණ්ඩිත් ඩබ්.ඩී. අමරදේව
පද : මහගම සේකර
තනුව : පණ්ඩිත් ඩබ්.ඩී. අමරදේව
නීල කොබෙයි රෑන ඇදී
වී අහුලන ඉපනැල්ලේ //
මාල ගිරවු පේලි ගැසීලා
නව අවුරුදු ගීත ගයනවා //
වක්කඩ ළඟ දිය සුළියේ
තිත්ත පැටව් කලබලයේ //
ඒ තාලෙට වරල් සළාලා //
නව අවුරුදු නැටුම් නටනවා //
ඔංචිලි චිලි චිල්ල මලේ
වැල්ල දිගට නෙල්ලි කැලේ //
ගසුයි වැලුයි මලින් පිරෙණවා //
ගම්මානෙට අවුරුදු එනවා //
නා වැටියම දළු දමලා
නා අතු අග මල් පිපිලා //
බාල ලියන් ටිකිරි හිනා වේ //
රිදී එළිය ගමට ගෙනාවේ //
නීල කොබෙයි රෑන ඇදී
වී අහුලන ඉපනැල්ලේ //
මාල ගිරවු පේලි ගැසීලා
නව අවුරුදු ගීත ගයනවා ///
0 comments:
Post a Comment