එක්සත් ජාතීන්ගේ මහා මණ්ඩලය විසින් "වසංගත වැළැක්වීම, සූදානම සහ හවුල්කාරිත්වයේ වැදගත්කම වෙනුවෙන් පෙනී සිටීම සඳහා කැඳවීම් කර තිබේ" යනුවෙන් ලෝක සෞඛ්‍ය සංවිධානය පැවසීය. "ඒ විශ්වීය සෞඛ්‍ය ආවරණය වැඩිදියුණු කිරීම සහ ප්‍රාථමික සෞඛ්‍ය සේවා පද්ධති ශක්තිමත් කිරීම සඳහා වන සමස්ත ප්‍රවේශයක කොටසක් ලෙස ශක්තිමත් හදිසි හා වසංගත සූදානම් පද්ධති ගොඩනැගීමේ උත්සාහයන්ට සහාය වීම සඳහායි."
ලෝක සෞඛ්‍ය සංවිධානයේ අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රයිසස් විසින් වීඩියෝ ප්‍රකාශයක් නිකුත් කරමින් කියා සිටියේ, "කොවිඩ්-19 මුළුමනින්ම නොදන්නා වෛරසයක් වූයේ මීට වසරකට පමණ පෙරයි. වසංගතයේ බලපෑම රෝගයෙන් ඔබ්බට ගොස්, සමාජීය හා ආර්ථිකයන් සඳහා දුරදිග යන ප්‍රතිවිපාක ඇතිකර තිබෙනවා." යනුවෙනි.
"මේ කිසිවක් පුදුමයට කරුණක් නොවිය යුතුයි" ටෙඩ්‍රොස් පැවසුවේ වසර ගණනාවක් පුරා එකම දේ පවසන බොහෝ වාර්තා, සමාලෝචන සහ නිර්දේශයන් පැවතීමෙන්, "ලෝකය වසංගතයකට සූදානම් නැති බව" ප්‍රකට කරන බවයි.
ඒ නිසා කොවිඩ්-19 වසංගතය මගින් උගන්වන පාඩම්වලින් සෑම කෙනෙකුම ඉගෙන ගත යුතු බව ටෙඩ්‍රොස් පැවසීය.
"ඉතිහාසය අපට පවසන්නේ මෙය අවසාන වසංගතය නොවන බවයි. වසංගත යනු ජීවිතයේ සත්‍යයක්" යැයි ටෙඩ්‍රොස් පැවසීය. "ඒ නිසා එක් සෞඛ්‍ය ප්‍රවේශයක් ලෙස සමස්ත රජයන් සහ සමාජයම මහජන සෞඛ්‍යය සඳහා වන ආයෝජනයන්ට සහාය ලබා දුන්නොත්, අපගේ දරුවන්ට සහ ඔවුන්ගේ දරුවන්ට ආරක්ෂිත, වඩා ඔරොත්තු දෙන සහ තිරසාර ලෝකයක් උරුම වන බව සහතික කළ හැකියි."
👇👇👇 අපගේ android app එක(Click Image) 👇👇👇
0 comments:
Post a Comment