✅ ආයුර්වේදයේ යොදා ගැනෙන සුවඳවත් ම ඖෂධය ලෙස සැළකෙන සැවැන්දරා , සිරුරේ දාහය නිවමින් සුවඳත් සිසිලත් බෙදාලන අපූරු ශාකයක්.
🌿 එනිසා ම සුගන්ධි මූල, ශීත මූල , සුවඳ හොට , හරිප්‍රිය ,ආදි නම් ගණනාවකින් එය හැඳින්වෙනවා
🌿 එය මානා වර්ගයට අයත් තෘණ විශේෂයක්. ඉන්දියාවේත් ශ්‍රී ලංකාවේත් දක්නට ලැබෙනවා.
🌿 ගැඹුරට විහිදෙන මූල පද්ධතිය නිසා කඳුකරයේ පාංශු ඛාදනයට අගනා පිළිතුරක් ලෙස සැළකෙන අතර මෙරට ඕනෑම ප්‍රදේශය ක වවාගත හැකියි.
🌿 ඖෂධ සඳහා වැඩි වශයෙන් යොදා ගැනෙන්නේ ශාකයේ මුල් කොටසයි. එය සිරුරේ අභ්‍යන්තර මෙන්ම බාහිර ප්‍රතිකාර සඳහා ද යොදා ගැනෙනවා.
🌿 සැවැන්දරා, සෙම් පිත් සමනය කරන, සිරුරේ දැවිල්ල නසන, ලේ පිරිසුදු කරන, ඉදිමුම් සුවකරන, වමනය වළකන, කුසගිනි වඩවන. මුත්‍රා කාරකයක් ලෙස හඳුන්වන්න පිළිවන්. තිත්ත හා මධුර රසයෙන් යුක්තයි.
🌿 සැවැන්දරා උෂ්ණ කාලයේ පීඩාවට පත්වන්නන්ට දිව්‍ය ඖෂධයක් වැනියි. වතුර කලයකට වියලි මුල් කීපය ක් දමා බීමට ගැන්මෙන් එවැනි කාලයන්හි සිරුරේ ඇතිවන විවිධ අපහසුතා දුරු වෙනවා.
🌿 දේශීය වෛද්‍ය ව්ද්‍යා ග්‍රන්ථවල සැවැන්දරා හඳුන්වා දී ඇත්තේ සිරුරේ දැවිල්ල නැතිකර , වර්ණය ලබා දී ,පැහැපත් සිනිඳු සමක් ඇතිකරන්නක් ලෙසයි.
🌿 නෑමේදී වියළි මුල් අහුරක් ගෙන සමේ ඇතිල්ලීමෙන් එහි වියළි බව දුරුවී කාන්තිමත් තෙත් ගතියක් හා පැහැපත් බවක් ඇතිවෙනවා. .
🌿 එම කුඩු සුදු හඳුන් සමග ඇල්දියෙන් අනා මුහුණේ ගෑමෙන් ,කුරුලෑ ලප සුවවෙනවා.
🌿 සම සුමුදු හා සුවඳවත් කරන ගති නිසාම සැවැන්දරාවලින් විවිධ සුවඳ විලවුන් සබන්වර්ග හා ක්‍රීම් වර්ග නිෂ්පාදනය කෙරෙනවා.
🌿 ආශ්වාස වාතය සුවඳ ගැන්වීම සඳහා මුල්වලින් අවාන් ද නිපදවනු ලබනවා.
🌿 සැවැන්දරාවලින් තෙල් සිඳිනු ලබන අතර ඒවා හිස ගෑමෙන් හිසරදය ඉක්මනින් දුරු කර ගත හැකියි.
🌿 හන්දි වේදනා , හන්දි ඉදිමුම් තැලීම් ආදියේ දී තෙල් ආලේප කිරීමෙන් සහන සැලසෙනවා.
🌿 හිසේ වේදනා ඇතිවූ විට මුල් කුඩු ඇල්දියෙන් අඹරා කල්කයක් සේ නළලේ ගෑමෙන්ද, ඇඟපතේ වේදනා ඇතිවූ ව්ට ඒ ඒ තන්හි ගෑමෙන්ද වේදනා දුරුවී යනවා.
🌿 සැවැන්දරා මුල් දල්වා එහි දුම නාසය ට ඉරීමෙන් හිසරදය හා හිසේ බර ගතිය අඩුවනවා.
🌿 සැවැන්දරා අම්ල පිත්ත රෝගය දැඩි වේදනාකාරිවූ විටත් ඊට කදිම පිළීතුරක්. අමු මුල් කොටා එහි යුෂ පානය කිරීමෙන් ඉන් ක්ෂණික සුවයක් අත්වනවා.
🌿 උෂ්ණ බිබිලි විසප්පු කුෂ්ට වැනි චර්ම රෝගවල දී සහනය ලබා ගැනීමට ද සැවැන්දරා උපකාරී වෙනවා. දිනපතා නෑමේදී බැබිල මුල් රත් හඳුන් සැවැන්දරා, මුල් කුඩුකොටගෙන වතුර මිශ්‍ර කර සේදීමෙන් ටික කලකින් ඒවා සූවපත්කර ගත හැකියි.
🌿 රුධිරය පිටවන අර්ශස් රෝගය ඇතිවිට සැවැන්දරා මුල් සුදු හඳුන් සමව ගෙන හාල් සේදූ දියෙන් අඹරා සීනි දමා වේල් කීපයක් පානය කිරීමෙන් සහන ලබා ගතහැකි බව සඳහන්වෙනවා.
🌿 රුධිරය පිරිසිදුවීම සඳහා නෙල්ලි රස කිඳ තම්බා පෙරා ඊට වියලි සැවැන්දරා මුල් කුඩු දමා පානය කිරීම සුදුසුයි.
🌿 මඳ අව්වේ වියළාගත් සැවන්දරා මුල් කුඩුකර රැයෙහි වතුර වීදුරුවක දමා උදෑසන පෙරා බීමෙන් දවසම සිරුර සිසිල්ව තැබෙන අතර එය මුත්‍රා දැවිල්ලටද හොඳ ප්‍රතිකාරයක් .
🌿 වියලි සැවැන්දරා කුඩු වලට උතුරන වතුර දමා කෝපි මෙන් පානය කිරීම සමේ ආසාදන දුරුකර සිසිල සදන්නක්.
🌿 සැවැන්දරා මුල් කුඩු , රැයෙහි තැඹිලි ගෙඩියක ඇස්ස කපා එයට දමා රැය පින්නේ තියෙන්නට හැර උදෑසන පානය කිරීමෙන් සිසිල ලැබීම මෙන්ම සමේ රෝග සුවපත් වීමද සිදුවෙනවා.
🌿 මෙයට ම සුදු හඳුන් කුඩු ද එක්කළොත් සිරුර දැවිල්ල, ඩහදි ය දැමීම, වැනි තත්ත්වයන් ටද හිතකර වෙනවා.
🌿 දහදිය දුගඳ හා සිරුරේ දැව්ල්ල නැතිවීම සඳහා සැවැන්දරා මුල් ඇල්දියෙන් අඹරා සිරුරේ ගා පැයකින් පසු නෑම ත් සුදුසුයි.
🌿 සැවැන්දරා මුල් කෂාය උදය හවස දින කීපයක් පානය කළොත් සිරුරේ ජීර්ණ පද්ධතියේ රෝගත්, අම්ලපිත්ත රෝගයත් සුවපත්වෙනවා.
🌿 ආමාශයේ ඇසිඩ් නිපදවීම අඩු කර දෙන එම කෂාය සකසා ගන්නේ සැවැන්දරා මුල් කීපයක් මුට්ටියක දමා පත අට එකට සිඳුවා වේලකට පත බාගය බැගින් ගැනීමෙන් .
🌿 ජීර්ණ පද්ධතියේ ඕනෑම රෝගයකට සුව දෙන මෙම කෂාය වමනය ඔක්කාරය, බඩ බුරුල්වී යාම් වැනි තත්ත්වයන්හිදීත් සහන සලසන බව සඳහන්.
🌿 සැවැන්දරා මුල් හා බෙලි ගැට මද සම ව ගෙන පත අට එකට කෂාය හිඳුවා බීම ද අතීසාරය හා මල බුරුල්ව යාම සඳහා ගුණ දායකයි.
🌿 වියළි සැවැන්දරා මුල් කුඩු කිරි වීදුරුවකට දමා සීනි මුසුකර දිනපතා බීමෙන් ඩහදිය දුගඳ දුරුවී සිරුර සිසිල්වන බව සඳහන්වනවා.
විශ්මිත හෙළ ඔසු
උපුටා ගැනීමකි...
Great info! I recently came across your blog and have been reading along. I thought I would leave my first comment. I don’t know what to say except that I have. sa gaming
ReplyDeleteI think this is a really good article.You make this information interesting and engaging.You give readers a lot to think about and I appreciate that kind of writing. engagement rings for sale
ReplyDelete