ව්‍යාපාරය ඉක්මණින් දියුණු කරගන්න ක්‍රම 12ක් (12 Ways To Improve Your Business Quickly)

ඔයාල අළුතින් ව්‍යාපාරයක් පටන් ගන්න හිතන් ඉන්නව නම් හෝ දැනටමත් ව්‍යාපාරයක් කරනවා නම් මෙන්න මේ කරුණු ටික හොඳට ඔලුවෙ තියාගන්නවා නම් හොඳයි. නැත්නම් අනිවාර්යයෙන් කවද හරි දුක් වෙන්න වෙයි කර ගත්තු මෝඩකම් ගැන හිතල.

හවුල් ව්‍යාපාර එපා.එක එක යාලුවො කතා කරයි “මචං සෙට් වෙලා බිස්නස් එකක් කරමුද? Profit එක බාගෙ බාගෙ බෙදාගමු. අපි දෙන්නම එතකොට අයිතිකාරයො.” ඉතින් අපේ අනික් යාලුව වැඩේට සෙට් වෙනව අර කතා කරපු කෙනා එක්ක. සදා අනාතයි! හේතුව තමයි, ටික දවසකින් අර කතා කරපු එකාට ඕන වෙනව ලොකුම ලොක්ක වෙන්න. ඊටපස්සෙ අනික වැඩ කරන්න ඕන ඔහුට ඕන විදියට. ටික දවසකට පස්සෙ Profit එකෙන් වැඩි කොටස අර මුලින් කතා කරපුකෙනාට. මොකද ඔහුගේ Idea එක හින්ද. ඉතින් හවුල්කාරයෝ අතරේ ආරවුල්. පස්සෙ හරියට සල්ලි බේරගන්න බැරුව ව්‍යාපාරෙ බංකොලොත් වෙලා යනව. “හවුලෙ කැඳත් එපා” කියල ඒ කාලෙ මිනිස්සු කට කහනවට කිව්වෙ නෑ කියන එක අපි හැමෝම හොදින් මතක තියාගන්න ඕන අන්න ඒකයි.

ව්‍යාපාරෙ පටන් ගන්න තියෙන සේසතම වියදම් කරන්න එපා.සමහරු නම් මුලින්ම ලක්ෂ ගණන් වලින් Loan අරගෙන වටේටම ණය වෙලා තමයි ව්‍යාපාරය පටන් ගන්නේ. මේ වැඩේ නම් කවදාවත් කරන්න එපා. කෝටියක් විතර වියදම් කරල මහා පරිමාණෙන් කරනව නම් කිසි අවුලක් නෑ. හැබැයි ලක්ෂ 2ක් 3ක් වියදම් කරල ටිකක් ලොකුවට කරන්න හිතන්න එපා. මුලින්ම ඔයා තියෙන විදියට වැඩේ පටන් ගන්න. පොඩ්ඩ පොඩ්ඩ දියුණු වෙන්න බලන්න. නැත්නම් හදිසියේ හරි ‍ ලොකු අලාභයක් උනාම, ඔයාට වියදම් කරපු සල්ලි බර ගාණක් අහිමි වෙනව. ඉතින් ව්‍යාපාරය ඉදිරියට කරගෙන යාමට ඒක ලොකු බලපෑමක් වෙනවා කියන එක හොදට ඔලුවේ තියාගෙන ඔයාගේ ව්‍යාපාරයට අවශ්‍ය ප්‍රාග් ධනය ගැන හරි අවබෝධයක් ඇතිව සුළුවෙන් පටන් ගන්න කියන එක තමයි මූලිකවම ඔයා අවබෝධ කරගන්න ඕන.

ව්‍යාපාරයට Current Account එකක් හදා ගන්න.මේක ‍ගණුදෙනු වලදි ගොඩක් වැදගත්. බැංකුවට ඔයාගෙ ව්‍යාපාර ලියාපදිංචි සහතිකය ඔයා කැමති බැංකුවකට ඉදිරිපත් කරල ඉක්මනට හදා ගන්න පුළුවන් Current Account එකක්. ඒකෙ මාස 6ක් ඔයා බැංකුවත් එක්ක නිවැරදිව ක්‍රමානුකුලව ගනු දෙණු කරලා ලොකු දෙයක් කරන්න පුළුවන්. ලෝන් ගන්න, Credit Cards හදා ගන්න මේ වගේ දේවල් හරිම පහසු වෙනවා. ඔයා හොදින්ම මතක තියා ගන්න ඕන ඔයා බැංකුවේ හොඳ ගණුදෙණු කරුවෙක් වෙන්න ඕන කියන එක.

ව්‍යාපාරික ස්ථානයේ අරක්කු බොන්න එපා.අපේ කොල්ලො ගොඩක් කරන මෝඩ වැඩක් මේක. කිසිම දවසක කිසිම වෙලාවක ව්‍යාපාරික ස්ථානයට, ව්‍යාපාරයට ආදරෙයි නම් අරක්කු කටේ තියන්න එපා එකෙ ඇතුලෙ. එදා ඉඳන් ඔයාගෙ ව්‍යාපාරය පිරිහෙන්න පටන් ගන්නව. ඉතින් බොන්නම ඕන නම් රෙස්ටුරන්ට් එකකට ගිහින් අරක්කු පොඩ්ඩක් බිව්වත් කමක් නෑ.

ණයට භාන්ඩ දෙන්න එපා.කරන්න බැරි වැඩක් සමහරුන්ට නම්. හැබැයි ණයට දෙන ප්‍රමාණය වැඩි වෙන්න වැඩි වෙන්න ඔයාගෙ ව්‍යාපාරය හොඳටම හිර වෙලා ඔයා බංකොලොත් වෙන එක විතරයි වෙන්නෙ. ව්‍යාපාරයට ආදරෙයි නම්, බෝඩ් එකක් ගහන්න ඉස්සරහම, “ණයට දීමෙන් මුදලත් මිතුරාත් නැති වෙයි” කියල. මොකද ණයට ගන්න කොට තියෙන හිතවත් කම් ණය ගෙවන්න වෙනකොට හුගක් අයගේ හිත්වල ගෑවිලා වත් නෑ කියන එක ඔයා තරයේම මතක තියා ගන්න එක වටිනවා.

මුලින් ඉතිරි කර පසුව වියදම් කරන්න.අපේ හුගාක් අය කරන්නෙ මුලින් හොඳට වියදම් කරල පස්සෙ ඉතුරු උනොත් ඉතුරු කරන එක. ඒක තමයි ව්‍යාපාරයක් බංකලොත් වෙන්න ප්‍රධානම කාරණය. දියුණු වෙන්න අවශ්‍යයි නම්, අනිවාර්යයෙන්ම මුලින් ඉතුරු කරන්න. පස්සෙ වියදම් කරන්න ඕන වෙද්දි ක්‍රමානුකුලව අවශ්‍යතාවය අනුව වියදම් කරන්න අරපරිස්සමෙන්. නැත්නම් ඔයාට ඔයාගේ ව්‍යාපාරයේ කිසිම දියුණුවක් දකින්න ලබන්න බැරි වෙනව. ඉතින් ඔයා හිතනවා ඔයාට ව්‍යාපාරයෙන් කිසිම ලාභයක් වාසියක් නැති බව ඉතින් කවුරුවත් කැමති නෑ ලාභයක් දියුණුවක් නැතිව ව්‍යාපාර කරන්න. ඔයා නිවැරදිව මුදල් කළමනාකරණය කර නොගත්තෝතින් හොඳ ලාභ ලබන ඔයාට හොඳින් දියුණු වෙන්න පුළුවන් අවස්තාවක් මඟහරවා ගත්තා වෙනවා. ඉතින් ව්‍යාපාරයේදී මුදල් කළමනාකරණය හරිම වැදගත්.

අනවශ්‍ය වියදම් කපා හරින්න.විශේෂයෙන් ඔයා කොල්ලෙක් නම් අරක්කු බොන්න, සිගරට් බොන්න කෙල්ලෙක් නම්, එක එක විකාර වලට කරන වියදම් ඔක්කොම කපා හරින්න. අරමුණකට එක මාසයකට නිශ්චිත ගාණක් එකතු කරන්න. ඒ මුදල් වියදම් කරන්න එපා අනිවාර්ය අත්‍යවශ්‍ය කාරණේකට ඇරෙන්න.

කරන්න යන දේවල් කියන්න යන්නත් එපා.ඔයාට ව්‍යාපාර අදහසක් තියෙනවා නම් නම් මලාට තවත් කාත් එක්කවත් කියන්න එපා. මොන කරුමයක්ද දන්නෙ නෑ අනිවාරයෙන්ම වැඩේ වරදිනවා නැත්නම් පටන් ගන්නත් කලින්ම නතර වෙනවා. ආයේ දෙකක් නෑ. කාත් එක්කවත් කතා නොකර කරන ඕන දෙයක් නමුත් ඔයාගේ හිතට ආපු ව්‍යාපාර සංකල්පය පිලිබදව හොද හොයා බැලීමක් කරන්න ඕන. ඒ කියන්නේ ඔයාගේ නව ව්‍යාපාර සංකල්පයට වෙළදපොල කොහොමද කියන එක, අවශ්‍ය අමුද්‍රව්‍ය සපයා ගැනීම කොහොමද කියන එක, ව්‍යාපාරයෙන් ලබා ගන්න පුළුවන් ලාභ අලාභ පිලිබදව මූලික අධ්‍යනයක් කරන එක අනිවාර්යයි කියන එක අමතක කරන්න එපා. මේ හැම දෙයක් ගැනම හිතලා අවබෝධයෙන් ව්‍යාපාරේ පටන් ගන්න ඔයාට අනිවාර්යයෙන් හරියනව.

ඔයාගෙ ගණන් හිලවු, Profit Margin ගැන කියන්න යන්න එපා තැන තැන.මේකත් ‍හොඳට හිතට ගන්න. හැම වෙලාවෙම අඩු ගාණක් කියන්න ඇහුවොත්. අනිවාර්යයෙන් ඊලඟ මාසෙ නැත්නම් ඔයාගෙ Profit එක අඩු වෙනව. හේතුව අහන්න එපා. ඒක ‍එහෙම වෙනව.

ඔයාගෙ Saving ගිණුමට ATM Card එකක් ගන්න එපා. ATM Card එකට තියා ගන්න වෙන Account එකක්.මේ කාරණාව ඉතින් පුන පුනා කියන්න ඕන නෑ. මොකද ඔයාගේ පෞද්ගලික කාරණාවන් වලදී සැරින් සැරේට පොඩ්ඩ පොඩ්ඩ සල්ලි අරන්, මාසෙ අන්තිමට ඔයාට මොකුත් නෑ. අවසානේ ඔයාගේ ව්‍යාපාරයට යොදවන්න මුදල් නැති වෙනවා. අපරාදෙ ඒ මාසෙ හම්බු කරපු සල්ලි ටික. ඔයාගේ ව්‍යාපාරය බංකලොත් වෙන්න ඔයා නොදැනම ඔයාම හේතුවක් වෙන්න එපා.


ව්‍යාපාරික රහස් කාටවත් කියල දෙන්න යන්නත් එපා.ඔයා පටන් ගන්න ව්‍යාපාරයේ ව්‍යාපාරික රහස් ඔයා තව කෙනෙක්ට කියල දෙනවට වඩා හොදයි ඔයා ඔයාගේ ව්‍යාපාරය ඒ පුද්ගලයට පවරලා දෙන්න ටික දවසකට කරගෙන යන්න. අනිවාර්යයෙන් ව්‍යාපාරය වැටෙනවා. ඉතින් ඔයා තේරුම් ගන්න හරිම ලේසියි ව්‍යාපාරයේ දියුණුව රදා පවතින්නේ ඔයා තුල කියන එක. ඉතින් ඔයාගේ ව්‍යාපාරික රහස් ඔයා තව කෙනෙකුට දුන්නම ඔයාට සහ ඔයාගේ ව්‍යාපාරයට මොකද්ද වෙන්නේ. ඉතින් ඔයාගේ ව්‍යාපාරික රහස් ඔයා තුලම රහසක්ව පවත්වා ගැනීමේ වටිනා කම ඔයාට දැන් වැටහෙනවා කියලා හිතනවා.

දෙයක් පටන් ගන්නව නම් ආසාවයි දැනුමයි ඕන.ආසාවක් නැතුව නම් ව්‍යාපාරයක් පටන් ගන්න එපා.උදාහරණයක් විදියට මම පරිගණක වලට කැමතියි. ඉතින් මට ගොඩ යන්න පුළුවන් පරිගණක සම්බන්ධ ව්‍යාපාරයක් කරොත් හැබැයි මම රෙදි ඇඳුම් පැලඳුම් විලාසිතා ගැන අවබෝධයක් නෑ. ඉතින් මම රෙදි කඩයක් දැම්මොත් දියුණු වෙයිද? කිසිසේත්ම නෑ. මුලින් ආසාව ඇති කර ගන්න ඕන. ඊටපස්සෙ හොඳට දැනුම ලබා ගන්නත් ඕන. දැනුම නැතුව මොකුත් කරන්න බෑ.

ඔන්න ඉතින් ව්‍යාපාරයක් කරන්න හිතන් ඉන්න සහ දැනට කරගෙන යන හැමෝටම මේ කරුණු 12 වැදගත් වුනා කියලා අපි හිතනවා. පැරණි කියමනක් තියෙනවා “පනින්න පෙර හිතා බලනු” කියලා. ඉතින් ඔයාලත් හොදින් අධ්‍යනය කරලා අවබෝධයක් ඇතිව අලුතින් ව්‍යාපාරයක් පටන් අරගෙන දියුණු වෙලා අපේ ලංකා මාතාවට අභිමානයක් වෙන දිරිය කොල්ලෙක් කෙල්ලෙක් වෙන්න ශක්තිය ලැබෙන්න කියලා ප්‍රර්ථනා කරනවා. ඉතින් ඔයාලට ජය වේවා!

View my Flipboard Magazine.
උපුටා ගැනීමකි...
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
ව්‍යාපාරය ඉක්මණින් දියුණු කරගන්න ක්‍රම 12ක් (12 Ways To Improve Your Business Quickly) ව්‍යාපාරය ඉක්මණින් දියුණු කරගන්න ක්‍රම 12ක් (12 Ways To Improve Your Business Quickly) Reviewed by Wanni Arachchige Udara Madusanka Perera on Thursday, June 18, 2020 Rating:

0 comments:

Post a Comment