මුලින්ම ජෙලි එක හදා ගන්න.
✅ අවශ්‍ය ද්‍රව්‍ය :
- 🍓 ජෙලි පැකට් එකක් ( ස්ට්‍රෝබෙරි)
- 🍓 උතුරවා ගත් වතුර මිලි ලීටර් 400 ක්
✅ සාදා ගන්නා ආකාරය :
- 🍓 උතුරවා ගත් වතුර වලට පැකට්ටුවේ ඇති මිශ්‍රණය එකතු කර හොඳින් දියකර පැතලි භාජන 2 කට වෙන්කර ගන්න.
- 🍓 ඉන් එක භාජනයක ඇති ජෙලි මිශ්‍රණය ට ඔයාලා කැමති ෆුඩ් කලරින් බිඳු කිහිපයක් එකතු කර මිශ්‍ර කර නිවෙන්න තබන්න.(අපට පාට දෙකක ජෙලි හදා ගන්නයි මෙහෙම කරන්නේ)
- 🍓 නිවුනු පසු සෙට් වීමට ශීතකරණයේ තබන්න.
- 🍓 හොඳින් මිදුනු පසු ජෙලි මත ඉරි ඇඳ කොටු හැඩයට කපා ගන්න.
🍶 ඊලඟට කස්ටඩ් මිල්ක් එක සාදා ගැනීම.
✅ අවශ්‍ය ද්‍රව්‍ය :
- 🍬 කිරි ලීටර් 1 ක්
- 🍬 කස්ටඩ් කෝප්ප 1/4 ක් හෝ කෝන්ෆ්ලාර් කෝප්ප 1/4 ක් ( කෝන්ෆ්ලාර් පාවිච්චි කරනවා නම් වැනිලා තේ හැඳි 1 ක් එකතු කර ගන්න .)
- 🍬 සීනි කෝප්ප 1/2 ක් ( රස අනුව ඔයාලා කැමති විදියට අඩු වැඩි කර ගන්න පුළුවන් )
- 🍬 ලුණු පිංචක්
✅ සාදා ගන්නා ආකාරය :
- 🍬 භාජනයක් ගෙන එයට කිරි, කස්ටඩ් ,සීනි සහ ලුණු එකතු කර හොඳින් දිය කර ගන්න .
- 🍬 දැන් භාජනයක් ලිප තබා එයට මේ මිශ්‍රණය පෙරා ගන්න .
- 🍬 කැටි නොගැසෙන ලෙස හැඳි ගාමින් මිශ්‍රණය උතුරවා ගන්න. ගොඩාක් ඝන වනතුරු තියන්න එපා.
- 🍬 ලිපෙන් ඉවතට ගෙන විටින් විට හැඳි ගාමින් නිවෙන්න හරින්න.
- 🍬 නිවුනු පසු ශීතකරණයේ තබා ගන්න .
🍚 සවු සකස් කර ගැනීම.
✅ අවශ්‍ය ද්‍රව්‍ය :
- 🍚 වතුර කෝප්ප 4 ක්
- 🍚 සවු කෝප්ප 1/4 ක්
✅ සාදා ගන්නා ආකාරය :
- 🍚 සවු සෝදා වතුර එකතු කර ලිප තබා විටින් විට හැඳිගාමින් පිස ගන්න.සවු විනිවිද පෙනෙන තුරු පිසින්න.
- 🍚 දැන් පෙරනයක් ගෙන සවු ටික පෙරා ඇල් ජලයෙන් සෝදා ගන්න.
🥣 කස ඇට/ බැසිල් සීඩ්ස්
✅ අවශ්‍ය ද්‍රව්‍ය :
- 🥣 කස ඇට මේස හැඳි 1 ක්
- 🥣 වතුර කෝප්ප 1/4 ක්
✅ සාදා ගන්නා ආකාරය :
- 🥣 කස ඇට සෝදා වතුර එකතු කර විනාඩි 10 ක් පෙඟෙන්න තබන්න.
- 🍹 දැන් සියල්ල සූදානම් , කස්ටඩ් මිල්ක් එක හොඳින් නිවිලා තියෙන්න ඕන.
- 🍹 දැන් මේ කස්ටඩ් මිල්ක් එක භාජනයකට දා ගන්න.
- 🍹 එයට කස ඇට , පෙරා ගත් සවු සහ ජෙලි කැබලි එකතු කරන්න.
- 🍹 හොඳින් මිශ්‍ර කරන්න.
- 🍹 ඔයාලට තියෙනවා නම් වියලි මිදි , රට ඉඳි කැබලි සහ කජු හෝ ආමන්ඩ් කපා එකතු කර ගන්න පුළුවන්.
- 🍹 පිලි ගන්වන විට අයිස් කැට කිහිපයක් එකතු කර පිලි ගන්වන්න.
ඔයාලට මේක ගොඩාක් දිගට ලියපු නිසා අමාරු දෙයක් වගේ පෙනෙයි. මේක ඉතාම පහසුවෙන් හදා ගන්න පුළුවන් , ඒවගේ ගොඩාක් රසවත් .ඔයාලත් හදලා බලන්න 😊 සැකසුම : © නදීෂා ගමගේ ..
හෙළයේ රස මිහිර
අපගේ page එකටත් like කරන්න
👇👇👇 අපගේ android app එක(Click Image) 👇👇👇
0 comments:
Post a Comment