1874 දී නිම කරන ලද මෙම ගොඩනැගිල්ල ඉදි කරන ලද්දේ ගෘහ නිර්මාණ ශිල්පී ජේ. ඩබ්ලිව්. මැක්ලෝලින්ය. මුලින් ඔපෙරා රඟහලක් ලෙස ඉදිකරන ලද මෙය අවසානයේ එම අදහස වෙනස් කොට පුස්තකාලයක් ලෙස ගොඩ නගන ලදී. මෙහි ප්‍රධාන දොරටුවට ඉහළින් විලියම් ෂේක්ස්පියර්, ජෝන් මිල්ටන් සහ බෙන්ජමින් ෆ්‍රැන්ක්ලින් යන ශ්‍රේෂ්ඨ පුද්ගලයින්ගේ හිස් කැටයම් කර ඇත.
ඩොලර් 383,594.53 ක (අද වන විට ඩොලර් මිලියන 7 ක් පමණ) වියදමින් ඉදිකරන ලද මෙය “රටේ විශිෂ්ඨතම මහජන පුස්තකාලය” ලෙස එකල හදුන්වන ලදී. මෙහි පොත් 300,000 ක් පමණ තබා ගැනීමේ හැකියාව තිබී ඇත.
අවාසනාවකට මෙන් මෙම පුස්තකාලය සදහා අවමංගල්‍ය සීනුව නාද විය. මෙහි පොත් තබා ගැනීමට ඉඩකඩ මදි වීමත් ඇතුළු කරුණු කිහිපයක් නිසා අලුතින් පුස්තකාලයක් ඉදි කිරීමට බලධාරීන් තීරණය කරන ලදී. 1955 දී සින්සිනාටි බලධාරීන් විසින් පරණ ගොඩනැගිල්ලට මදක් එපිටින් නව ගොඩනැගිල්ලක් ඉදි කරන ලදී.
පැරණි ගොඩනැගිල්ල ඩොලර් 100,000 කට සමාන මුදලකට ලේමන් කෝප් නම් සමාගම වෙත විකුණන ලද අතර, එම වසරේ ජුනි මාසය වන විට මෙම විශ්මය ජනක පුස්තකාලය සදහටම නැති වී ගියේය. කලක් ප්‍රධාන දොරටුව ආරක්ෂා කළ පිළිරූ තුනම නව පුස්තකාල උයනේ සුරක්ෂිතව තැන්පත් කරන ලද අතර එම ගොඩනැගිල්ලේ තිබූ දේ වලින් අද ඉතිරිව ඇත්තේ ඒවා පමණි.
මෙහි ඇති අනෙක් පුදුම සහගත දෙය නම් එකල කිසිවෙක් මෙම පුස්තකාලය විනාශ කරනවාට විරුද්ධ නොවීමයි. සාහිත්‍ය ඉතිහාසයේ සුන්දරම කොටසක් මුළුමනින්ම අහෝසි කරමින් මෙම සම්භාව්‍ය ගොඩනැගිල්ල එලෙස කඩා බිඳ දමන ලදී.
විශ්මිත ඉතිහාසය
 |
| ප්‍රධාන ඇතුළු වීමේ දොරටුව |
 |
| සින්සිනාටි හි පැරණි මහජන පුස්තකාලය විනාශ කරන අතරතුර, 1955. |
👇👇👇 අපගේ android app එක(Click Image) 👇👇👇
0 comments:
Post a Comment