අද දවල්ට බත් කන්න කම්මැලි හිතුනා . හැදුවා රස නුඩල්ස් එකක් . බිත්තර එළවළු නුඩල්ස් (Egg Veggie Noodles) . හරිම රසයි ගුණයි වගේම ලෙහෙසියි හදන්න . මම නම් කන්න මීට් බෝල්ස් කරි එකක් හැදුවා . තක්කාලි සෝසුත් තියෙනවා . මම දැම්මේ නැහැ මට හොඳ නැති නිසා .
මෙහෙමයි හැදුවේ .
✅ අවශ්‍ය ද්‍රව්‍ය :
- නුඩල්ස් (ගෙදර ඉන්න කට්ටිය අනුව. මම ගත්තේ කුරක්කන් නුඩල්ස් . අපි ගෙදර කන්තේ ඒවා)
- කැරට් අල 1 (ග්‍රේට් කරලා)
- ලීක්ස් ටිකක් (සිහින්ව කපා ගත්)
- ගෝවා ටිකක් (සිහින්ව කපා ගත්)
- බිත්තර 2
- ලොකු ළුනු ගෙඩ් 1/2 (සිහින්ව කපා ගත්)
- සුදු ළුනු බික් 4 (සිහින්ව කපා ගත්)
- තක්කාලි සෝස් මේස හැදි 2
- ගම්මිරිස් තේ හැදි 1/2
- ලුනු රස අනුව
- තෙල් මේස හැදි 4 (තෙම්පරාදු කිරීමට)
✅ සාදා ගන්නා ආකාරය :
- පලමුව භාජනයක් ලිප තබා ලුනු තේ හැදි 1 දමා වතුර උණු කරන්න. උතුරන විට නුඩල්ස් දමා තම්බා පෙනේරයකට දමා ඇල් වතුරින් සෝදා වතුර බෙරෙන්න තබන්න .
- භාජනයකට තෙල් දමා රත් වු විට සුදු ළුනු සහ ළුනු එකතු කර යාන්තමට බැදෙන විට කැරට් එකතු කර හොඳින් මිශ්‍ර කර යාන්තමට බැදෙන්න දෙන්න .
- ඊට පසු ගෝවා එකතු කර එයත් යාන්තමට බැදෙන විට ලීක්ස් ටික එකතු කර හොඳින් මිශ්‍ර කරන්න .
- දැන් ලුනු කුඩු සහ ගම්මිරිස් කුඩු තේ හැදි 1 /2 ක් එකතු කර හොඳින් මිශ්‍ර කරන්න .
- භාජනයේ ඇති එළවළු වටේට තබා මැද හිස්ව තබා බිත්තර 2 එකතු කර බැදෙන්න දෙන්න . පසුව සියල්ලම හොඳින් මිශ්‍ර කරන්න .
- අවසානෙට තම්බා ගත් නුඩල්ස් එකතු කර හොඳින් කලවම් කරන්න.
හදලා බලන්න කෝ . Dhammika Panangala (ධම්මිකා පනංගල)
👇👇👇 අපගේ android app එක(Click Image) 👇👇👇
0 comments:
Post a Comment