Your Choice Way

මහසෝන් දිෂ්ටිය පැන්නූ සුදු ගුරුන්නාන්සේ (White Man)

මහසෝන් දිෂ්ටිය පැන්නූ සුදු ගුරුන්නාන්සේ (White Man) - Your Choice Way
‘ඉක්මනට වරෙල්ලා. සිරිපාලට යකා ගහලා’ වැව දෙසින් මතු වූ සියාතුගේ හඬ ගම්මානය පුරාම දෝංකාර දෙන්නට විය. බිම් කළුවර මැකී යන්නටත් පෙර වෙලේ වතුර බැඳීමට යෑම ගැමියාගේ සිරිතය. එදිනත් සුපුරුදු පරිදි සියාතු අමුඩයකින් සැරසී කුඹුරට යෑමට පිටත් විය. වැව් බැම්ම පෙනෙන නොපෙනෙන දුරකින් අඩි පාරේ වැටීසිටි සිරිපාලව සියාතුට දැකගත හැකි වූයේ ඒ අවස්ථාවේය. කටින් සෙම දමමින් උණත් සමඟම සිහිමුර්ඡුා වී සිටි සිරිපාල දකිත්ම සිදුවී ඇත්තේ කුමක්දැයි තේරුම්ගැනීමට සියාතු අයියාට වැඩි කාලයක් ගත නොවුණි. ඒ ගැමියාගේ සහජ ඥානයයි.

ගමේ පිරිමි කිහිපදෙනෙක් සිරිපාලව ඔසවාගෙන ගොස් නිවසේ තැබූහ. ඒ අතර, එක් අයකු දිව ගියේ ගම් කෙළවරට වන්නට පිහිටි සුදු ගුරුන්නාන්සේගේ නිවස වෙතය.
‘ගුරුන්නාන්සේ මාමේ සිරිපාල අයියට යකා ගහලා’

කඩුල්ල පනින ගමන්ම ගැමියා මොර දෙන්නට විය. ගුරුන්නාන්සේ කලබල නැත.

‘ඔන්න ඔය ගහකින් කොළ තුනක් කඩාගෙන වරෙන්’

පණිවුඩකරුවාත්, ¥ත ලක්ෂණ මෙන්ම ගස්වල කොළ කැඞීම වැනි ගුප්ත නිමිති මඟින් කාරණය අවබෝධ කරගැනීමේ හැකියාවක් සුදු ගුරුන්නාන්සේ සතුය.

‘මහසෝනා.......’ ගුරුන්නාන්සේ පැවැසුවේ එපමණකි. කඩිනමින් සිරිපාලගේ නිවසට පැමිණි ගුරුන්නාන්සේ ආතුරයාව පරීක්ෂා කරන්නට විය. ‘මහ යකාට බිල්ල වැරැදිලා.......යකා ගහලා නෑ... බයවෙලා විතරයි....’ යකා ගැහීම යනුවෙන් හඳුන්වනුයේ ක්ෂණික බිය හරහා ඇතිවන කම්පනයයි. මහසෝනාට බියවීමකදී සුසුම්නාව කැඞී මියයයි.

‘ඔය තෙල් ටිකක් ගනින්’

තුන්පට නූලක් හා තෙල් පීරිසියක් ගත් ගුරුන්නාන්සේ මහසෝන් දිෂ්ටි පළවා හැරීමේ මන්ත‍්‍රය මතුරන්නට විය.

ඕම් ශ‍්‍රීම් නිච්චං ප‍්‍රමේශ්වර
කාලි සමයං ඉගිළ යව් යව්
තෝස්වාහඃ
ඕම් අරි අරි ශක‍්‍රාම්
ගුරු ගුරු ශක‍්‍රාම්.......

තෙල් ටික හිස ගා තුන්පට නූල ගෙලට දැමීමෙන් පසු සිරිපාලගේ සිහිමුර්ඡුා ගතිය දුරුවූ අතර ඔහු නින්දට වැටුණේය. ‘මේ කළමනා ටික ලෑස්ති කරන්ඩ, අද ? තොවිලයක් නටන්ඩ වෙයි.’ තොවිලය සඳහා අවශ්‍ය සියලූ කළමනා සූදානම් වන්නේ ඉන් පසුවය.

මහසෝන් සමයම නැටීම උදෙසා තනනු ලබන ‘පංච මැස්ස’ තවත් පිරිසක් තනති. සමයන් වීදිය මැදිකර හතර පැත්තෙන් එක්වන සේ ආරුක්කු සතරකින් යුක්තව තනනු ලබන මල් මඩුව පංච මැස්ස ලෙස හඳුන්වනු ලබයි. රාත‍්‍රිය එළඹෙත්ම මහසෝන් සමයම ආරම්භ විය.

සුදු ගුරුන්නාන්සේ පූජාව ආරම්භ කරන්නට වූ අතර, පංච මැස්සේ මැද කොටස මහසෝන් යකාට හා මංගර දෙවියන් උදෙසා වෙන් කෙරුණි. මහසෝන් සමයම නැටීමේ දී මංගාර දෙවියන්ට ප‍්‍රධාන තැනක් ලබාදීම සිරිතකි. ඉන්පසු ජය සොහොන්, අමු සොහොන්, පුළුටු සොහොන් හා මහා සෝන් ලෙස ඉතිරි මල් තටු වෙන් කෙරුණි.

මහසෝන් යකා උදෙසා තල කිරිබත්, උණු කැවුම්, ලේ ගොටු, පුළුටු වර්ග ඇතුළත්ව ගොටු 108ක් සූදානම් කර ඒවා පුදදෙනු ලැබීය. මුලින්ම හූනියම් යකාට ආරාධනා කරමින් හූනියම් වීදිය ලෙස නම් කළ පූජාව තබන ස්ථානයට දුම් අල්ලමින් මන්ත‍්‍ර ජප කරද්දී එක් එක් යකුන් වෙනුවෙන් දොළ කැප කිරීම සිදු විය.

වේලාව රාත‍්‍රී දොළහට ආසන්න වෙමින් පැවැතිණි. සුදු ගුරුන්නාන්සේගේ ප‍්‍රධාන ගෝලයා නිල්පාට ඇඳුමකින් සැරසී ඒමත කළු පැහැති තිරයක් ඔතාගෙන දිගු කෙස් වැටියක් සහිත වලස් වෙස් මුහුණක් සහිතව තොවිල්පලට කඩාපැන්නේ බලා සිටියවුන්ගේ ඇඟ කිළිපොලා යන අයුරිනි. වලස් මුහුණේ දිගු දත්ය.

එහි මුහුණේ ගිනි පන්දමකි. එක් අතක හෙල්ලයකි. කටින් හපාගත් ඇතෙකුගෙන් ලේ පෙරෙයි. බෙල්ලේ මිනී ඔළු මාලයකි. බෙර හඬට නටමින් ආරූඪව දොළ පුදා ළඟට පැමිණ ඒවායේ සුවඳ විඳින්නට විය.

ඉන්පසු වේගයෙන් ආතුරයා වෙත පැමිණියේ තම නර බිල්ල ගැනීමටය. එහෙත් එතැන සුදු ගුරුන් ඇත. ආතුරයාත් ආවේශයෙන් නැඟීසිටියේ ය. මන්ත‍්‍ර ජප කිරීම ටික වේලාවක් පැවතුණි.

ඉන්පසු ගිනි පන්දම් දෙකක් අතට ගත් මහසෝන් දිෂ්ටිය වේගයෙන් ආතුරයා වටා නටන්නට විය. එය මහසෝන් දිෂ්ටිය පිටව යෑමට ආසන්න බව හැඟවෙන්නකි.

‘මම දේව අණින්, ඊශ්වරයන්ගේ අණින් තොපට කියන්නේ. මේ නර බිල්ල තොපට කැප නෑ. ඒක අයිති මටයි. ඊෂ්වර දෙවියන් ඒ බිල්ල මට කැපකළා. දැන් දොළ කැපගෙන පිටව යන්න වේලාව හරි’ සුදු ගුරුන් පැවසුවේ අණක් ලෙසය.

‘ඒක මගේ බිල්ල ඒක අයිති මට’

‘දොළ තටු එකසිය අටක් කැප අරගෙන ඉවරයි, දැන් යන්න වෙනවා. ඒක ඊශ්වරයාගේ නියමය’

‘මම යන්නන්’

‘අපි කොහොමද දන්නේ?’

‘පාන්දර එකහමාරට ‘හූ’ තුනක් එක්ක රුක් අත්තන ගහේ දකුණු අත්ත කඩාගෙන යනවා’

පූජාව දිගින් දිගටම පැවතුණි. එකහමාරට ආතුරයා නැඟීසිටියේය. ‘හූ’ තුනක් තබාගෙන මිදුලේ සිටුවා තිබූ රුක් අත්තන ගස අසලට දිව ගියේය.

ඔහු එතැන සිහි නැතිව ඇදගෙන වැටුණේය. රුක්අත්තන ගසේ දකුණු අත්ත කඩාගෙන වැටුණි.
👇👇👇 අපගේ android app එක(Click Image) 👇👇👇
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
මහසෝන් දිෂ්ටිය පැන්නූ සුදු ගුරුන්නාන්සේ (White Man) මහසෝන් දිෂ්ටිය පැන්නූ සුදු ගුරුන්නාන්සේ (White Man) Reviewed by Wanni Arachchige Udara Madusanka Perera on Tuesday, September 28, 2021 Rating: 5

0 comments:

Post a Comment