අද මම උදේට රසවත් කැමක් හැදුවා . පරිප්පු රොටි . හරිම ලෙහෙසියි හදන්න . කිසිම පිපුම් කාරකයක් දැම්මේ නැහැ . හදලා බලන්න කෝ .
✅ අවශ්‍ය ද්‍රව්‍ය :
- පාන් පිටි 200g
- ලුනු ස්වල්පයක්
- තෙල් මේස හැදි 2
- වතුර අනා ගැනීමට
- පිරවුමට හැදුවේ පරිප්පු කරියක්
✅ සාදා ගන්නා ආකාරය :
- පලමුව පරිප්පු සෝදා පෙගෙන්න තිබ්බා විනාඩි 30 ක් පමණ . පසුව වතුර පෙරා පැත්තකින් තබන්න .
- භාජනයක් ලිප තබා තෙල් මේස හැදි 2 දමා එයට සුදු ළුනු බික් 3 පමණ පොඩියට කපා දැම්මා .එය ටිකක් බැදෙන විට සිහින්ව කපා ගත් ළුනු , කරපිංච සහ කුරුදු කැලි 2 එකතු කර එයත් බැදෙන විට පරිප්පු එකතු කලා .
- හොදට කලවම් කර ටිකක් බැදෙන විට කිරි එකතු කලා . ඒ සමගම කහ කුඩු , ලුණු එකතු කරලා පියනකින් වසා ටිකක් වෙලා පිස ගත්තා .
- පසුව පියන ඇර මිරිස් කුඩු , කැලි මිරිස් සහ අමු තුනපහ එකතු කරලා හොදින් මිශ්‍ර කරලා නැවත පියනෙන් වසා පිස ගන්න.
- ටික වෙලාවකින් අමුමිරිස් කරල් 2 සිහින්ව කපා එකතු කරන්න .
- කිරි ටික හිදුනාම හැන්දකින් පරිප්පු පොඩි කර ලිපෙන් ඉවත් කරන්න .
- දැන් පිටි මෝලිය හදමු .
- භාජනයකට පිටි , ලුණු , තෙල් මේස හැදි 2 දමා හොදට මිශ්‍ර කරන්න .
- පසුව වතුර ටික ටික එකතු කරමින් ටිකක් ඝන පිටි මෝලියක් සාදා ගන්න .
- පිටි මෝලිය විනාඩි 2 පමණ නීඩ් කර භාජනය පියනකින් වසා විනාඩි 10 තබන්න .
- විනාඩි 10 ට පසු පිටි මෝලිය ගෙන කොටස් 6කට වෙන් කර බෝල සාදා ගන්න .
- පිටි බෝලයක් ගෙන පිටි තැවරුණු ලෑල්ලක් මත තුනී කර කුමන හෝ රවුම් භාජනයක් තබා රවුමක් කපා මැදට පිරවුම තබා වටේට වතුර ගා මැදට එකතු කර තද කරන්න .
- පසුව අනිත් පැත්ත හරවා ටිකක් අතින් තද කරන්න . මෙලෙස සියල්ලම සාදා ගන්න .(පහල පින්තූරයේ පෙනෙන පරිදි ).
- අවසානෙට රොටි තැටිය හෝ නන් ස්ටික් pan එකක් ලිප තබා මද ගින්දරේ දෙපැත්ත හරවමින් පුච්චා ගන්න .
Dhammika Panangala (ධම්මිකා පනංගල)
0 comments:
Post a Comment