රුලං වැලිතලප හදමු (Rulan Walithalapa)

රුලං වැලිතලප හදමු (Rulan Walithalapa) - Your Choice Way

ඔන්න එහෙනම්  ඔයාලගෙ තේ වෙලාවට ඉක්මනින් හා පහසුවෙන් හදා පුළුවන් රසම රස රුලං වැලිතලප ටිකක් මං ඔයාලට අරන් ආවා. එහෙනම් හදලා බලමු නේද 😍 

✅ අවශ්‍ය ද්‍රව්‍ය :
  • ☕ රුලං 400g ක් (මෙශරින් කප් 2 ක්)
  • ☕ පොල් කෝප්ප 1 ක් 
  • ☕ සීනි 400g ක්
  • ☕ වතුර කෝප්ප 1 ක් (සීනි උණුකර ගන්න)
  • ☕ කරඳමුංගු කුඩු ටිකක් 
  • ☕ ලුනු ස්වල්පයක් 
  • ☕ අවශ්‍ය නම් වැනිලා ටිකක් 

✅ සාදා ගන්නා ආකාරය :

  1. ♨️ මුලින්ම පොල් ටික සිහින්ව ගා ගන්න.
  2. ♨️ දැන් පොල් වලට ලුනු ස්වල්පයක් එක් කර හොඳින් මිශ්‍ර කරන්න.
  3. ♨️ පැතලි භාජනයක පොල් ටික අතුරා ඒ මත රුලං ටික දමා යාන්තමින් වතුර ටික ටික ඉසිමින් පිට්ටු ගොලගැටි (පිට්ටු කැට) කර ගන්න . ගොඩාක් වතුර දා ගෙන කැට ලොකු කර ගන්න එපා ඉතා සිහින්ව පිට්ටු කැට හදා ගන්න. අල්ලට රුලං මිශ්‍රණයෙන් ටිකක් ගෙන ගුලි කර බලන්න ඉහිරෙන්නෙ නැතුව තියෙනවා නම් වතුර ඇති.
  4. ♨️ දැන් හදාගත් පිට්ටු මිශ්‍රණය පිට්ටු බම්බුවක හෝ රෙදි කඩක් ගැට ගසා හෝ හුමාලයෙන් තම්බා ගන්න .මම පිට්ටු බම්බුවෙන් තම්බා ගත්තෙ.
  5. ♨️ තම්බා ගත් පිට්ටු නිවුනු පසු පොඩි කර ගන්න.
  6. ♨️ පසුව භාජනයක් ලිප තබා සීනි මේස හැඳි 4 ක් සහ වතුර මේස හැඳි 2 ක් එකතු කර රත් කර සීනි කැරමල් කර ගන්න.
  7. ♨️ සීනි කැරමල් වූ පසු එයට ඉතිරි වතුර සහ සීනි එකතු කර උණු කර ගන්න .එයට ලුනු ස්වල්පයක් එකතු කර ගන්න.
  8. ♨️ පැණි නූලක් ආකාරයට වැටෙන පදමට එනතුරු උණු කරන්න.
  9. ♨️ දැන් ගින්දර අඩුකර පිට්ටු සහ කරඳමුංගු කුඩු එකතු කර හොඳින් මිශ්‍ර කරමින් හැඳි ගාන්න.
  10. ♨️ මිශ්‍රණය එක ගුලියකට ආපසු බටර් තවරා ගත් තැටියක දමා කෙසෙල් කොලයකින් වඩවා ගන්න.
  11. ♨️ තරමක් නිවුණු පසු කෑලි කපා ගන්න.😋😋

හෙළයේ රස මිහිර
රුලං වැලිතලප හදමු (Rulan Walithalapa) - Your Choice Way
අපගේ page එකටත් like කරන්න

👇👇👇 අපගේ android app එක(Click Image) 👇👇👇
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
රුලං වැලිතලප හදමු (Rulan Walithalapa) රුලං වැලිතලප හදමු (Rulan Walithalapa) Reviewed by Wanni Arachchige Udara Madusanka Perera on June 22, 2022 Rating: 5

0 comments:

Post a Comment