පොල් කේක් හදමු (Pol Cake Hadamu [Coconut Cake])

මම අද පොල් කේක් එකක්  හැදුවා . මෙහෙමයි මම හැදුවේ . 

✅ අවශ්‍ය දේවල් :

• සිහින්ව ගා ගත් පොල් 300g
• පාන් පිටි 150g
• සීනි 225g (දුබුරු පාට)
• බිත්තර 2
• රට ඉදි 100g
• වියලි මිදි 50g
• කජු ටිකක් (රටකජු)
• වැනිලා තේ හැඳි 2 
• බේකින් පවුඩර් තේ හැඳි 1/2
• බේකින් සෝඩා තේ හැඳි 1/2
• උණු වතුර 200ml

✅ සාදා ගන්නා ආකාරය :

1. මුලින්ම පොල් කේක් එක බේක් කරන ට්‍රේ එකට මාජරීන් හෝ තෙල් ගා යටට පාච්මන්ට් හෝ තෙල් කඩදාසියක් එලා එහිත් මාජරීන් ගාන්න . පැත්තකින් තබන්න .
2. දැන් රටඉදි , වියලි මිදි සහ කජු කපන්න . පැත්තකින් තබන්න . 
3. පෙනේරයකට පාන් පිටි , බේකින් පවුඩර් සහ බේකින් සෝඩා දමා හලා පැත්තකින් තබන්න .
4. භාජනයක් ලිප තබා එයට සීනි මේස හැදි 4 දමා කැරමල් කරන්න  පසුව එයට උණු වතුර 200ml දමා ඉතිරි සීනි ටික දමා උණු කරන්න . 
5. සීනි බුබුළු දමන විට පොල් ටික එකතු කර හොදින් කලවම් කර පොල් පැණි සාදා ගන්න . පොල් පැණි එක තෙත ගතියට තිබිය යුතුයි . එලෙස ලිපෙන් ඉවත් කර නිවෙන්න තබන්න . 
6. බිත්තර 2 භාජනයකට දමා ව්ස්ක් එකෙන් ටිකක් විස්ක් කරන්න . එයට  වැනිලා එකතු කරන්න .විස්ක් කරන්න .
7. පසුව   කපා ගත් රට ඉදි , වියලි මිදි සහ කජු දමා විස්ක් කරන්න. 
8. දැන් මෙම මිශ්‍රණය පොල්  පැණි එකට දමා මිශ්‍ර කරන්න . අවසානෙට පිටි මිශ්‍රණය දමා spatula එකකින් හෝ හැන්දකින් කලවම් කරන්න .
9. දැන් මිශ්‍රණය ලැස්ති කර ගත් ට්‍රේ එකට දමන්න .  දෙපාරක් තට්ටු කරන්න (tap).
10. උශ්නත්වය 180ට විනාඩි 10 pre heat වු oven එකේ විනාඩි 35-40  පමණ බේක් කරන්න . 
11. බේක් වුවාට පසු ට්‍රේ එකෙන් ඉවතට ගෙන නිවෙන්න තියන්න.  
12. නිවුනාට පසු කපා කන්න .

මේක බර 900g ක් වගේ වෙන්නේ. සාමාන්‍යයෙන් කෑලි 16ක් වගේ කපාගන්න පුළුවන්.

Dhammika Panangala

👇👇👇 අපගේ android app එක(Click Image) 👇👇👇

View my Flipboard Magazine.

Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.