පැය 6ක් පමණ ඉරපායන සැගවුණ ගම්මානය - කොහොනාවල ගම🌿☘️🌾 (Kohonawala Village)

අද අපි කියන්න යන්නේ ලංකාවේ තියෙනන තවත් සුවිශේෂි තැනක් ගැන.

මේ කතාව මම මීට පෙරත් කියලා තියෙනවා. එයට තව වැඩි යමක් එකතු කරන්නයි මේ කියන්නේ.

බදුල්ල දිස්ත්‍රික්කයේ පස්සර මඩොල්සිම කඳු වළල්ලෙන් එපිටට වන්නට තම කොහොනාවල ගම පිහිටලා තිබෙන්නේ. 

උදේ 9 ත් සවස 3 අතර පෑ 6ක පමණ කාලයක පමණක් හිරු එලිය ගෙනෙන තරමට කඳුවලින් වටව පවතින නිසා මේ ගම හරි සුවිශේෂි.

මීට හේතුව මේ ගම්මානය කඳුවලල්ලකින් වටව අඩි 4500ක් පමණ බෑවුමක පිහිටා තිබීමයි.

ජනප්‍රවාද කිහිපයක් ඔස්සේ දිවයන කොහොලානේ ඉතිහාසය වලගම්බා රජු දවස දක්වා අතීතයක් ඇති බවයි ගම්වාසීන් පවසන්නේ.

රජුගේ අමාත්‍යවරයෙකු වන කෝණාර යුද්ධයෙන් පැරදී පැමිණ මෙම ගම්මානයේ සිට ඇති අතර ඔහුගෙන් පැවත එන පිරිස රන්පත් මුදියන්සේලාගේ යන පෙලපත් නාමයෙන් හදුන්වයි.

මේ ගම්මානය පිළිබඳ ඉතිහාසය බොහෝ රසවත් ය.1818 කැරැල්ලේදී සටනට සහය පළකළ රණකාමීන් වූ රන්පත්මුදියන්සේ පරම්පරාව ඒ අනුව මෙම ගම්මානයේ සැඟවී තිබෙනවා.

එදා සිට කොහොනාවල ජනාවාසයක් වූ අතර ඒ කතාන්දරය සනාථ කරමින් අදටද මේ ගම්මානයේ ජීවත්වන්නේ රන්පත්මුදියන්සේ පරපුර පමණකි.

මෙම ගම්මානය අතිශය සුන්දර ස්වයංපෝෂිත දිවියක් ගතකරන ගැමියන්ගෙන් සැදුම්ලත් එකකි. 

අයස්කාන්ත කඳු වලල්ලකින් වටවූ මේ හුදෙකලා ගම්මානය ගැන දන්නෝ අතළොස්සකි.

උදාහරණයක් කිවහොත් බදුල්ල ප්‍රදේශයේ ජීවත්වන පුද්ගලයන් පවා මේ හුදෙකලා කුඩා ගම්මානය ගැන දන්නේ නැත.

ගමේ ජීවත් වෙන පවුල් 45 ම ජීවනෝපාය ලෙස කරන්නේ අර්ධ ගොවිතැන් සහ භෝග වගාවයි.

බදුල්ලේ සිට උරුවිතැන්න පසුකර කහටරුප්ප මාර්ගයෙනුත්, අනෙක් පසින් ලොග්ගල් ඔය දුර්ගය පසු කරමිනුත් කොහොනාවල වෙත ලඟා විය හැකියි. 

අනෙක් අතට ගමේ සියලුම දෙනා රන්පත් මුදියන්සේ යන පෙළපත් නාමයෙන් හඳුන්වන එකම පවුලක නෑසියන් බව යලිත් විශේෂයෙන් කියන්නම ඕනේ.

සංචාරකයෙක් ට මේ ගමේ අත්දැකීම චමත්කාර ජනක වුනාට ඒ ගමේ ජීවත් වන්නෙකුට නම් එය එසේ වන්නේ නම් නැහැ.

මෙහි ගියාටනම් කමක් නෑ පරිසරය විනාශ නොකර පරිස්සමින් ගිහින් එන්න.

පින්තූර මුල්හිමිකරු සතුයි 📸🙏









උපුටා ගැනීමකි....
Share on Google Plus

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.
පැය 6ක් පමණ ඉරපායන සැගවුණ ගම්මානය - කොහොනාවල ගම🌿☘️🌾 (Kohonawala Village) පැය 6ක් පමණ ඉරපායන සැගවුණ ගම්මානය - කොහොනාවල ගම🌿☘️🌾 (Kohonawala Village) Reviewed by Wanni Arachchige Udara Madusanka Perera on Thursday, July 02, 2020 Rating: 5

0 comments:

Post a Comment