Song Title : Bodhiya Hewanaka (බෝධිය හෙවණක)
ගායනය : නන්දා මාලිනී
පද : ප්රියානන්ද විජේසුන්දර
තනුව : සේන වීරසේකර
බෝධිය හෙවණක ළා දළු පිස එන
මඳ පවනක් සේ ඔබ මට සිසිලයි
මල් ආසනයක
මල් සුවඳක් සේ
සුවඳයි
ඔබ මට සුවඳයි
මුවරද සැඟවුණ පවන් රොදකි ඔබ
තරුවකි රෑ ඝණ අඳුරේ
පවනින'ඹල කළ කියඹු වැලකි ඔබ
විරහිනියක පටු නළලේ
ශරත් නිසශාවක සඳ රැහනකි ඔබ
මුදුවකි විල්ලුද සුමගේ
විදසුන් වඩනට බවුන් ලෙනකි ඔබ
තනිවූ මට දිවි ගමනේ
තමරැස ගිලගත් හිරු මඬලකි ඔබ
ඉකිබිඳ හඬනා ගුවනේ
ප්රමුදිත වී දිසි මුත් ගත නොහෙනා
පියුමකි නිල් විල් තලයේ
සෙනෙහස හමුවේ ඔබ මට කඳුළකි
සිරවුණු නයනග පොකුණේ
හිමිකර ගන්නට බැරි ලෙස සැඟවුණු
මුතුවකි දළනිඳු පතුළේ
මුතුවකි දළනිඳු පතුළේ
👇👇👇 අපගේ android app එක(Click Image) 👇👇👇
0 comments:
Post a Comment