මස්කට් හදමු (Muscat Hadamu)

අද මං ඔයාලට ගෙනවෙ රසම රස මස්කට් රෙසිපි එකක්. හදලා බලමු නේද 😍😍

✅ අවශ්‍ය ද්‍රව්‍ය :

🌺 පාන්පිටි කෝප්ප 1 ක්
🌺 වතුර කෝප්ප 1/2 ක් (පාන්පිටි අනා ගැනීමට)
🌺 සීනි කොප්ප 1 1/2 ක්
🌺 වතුර කෝප්ප 1 ක් (සීනි උණුකර ගැනීමට)
🌺 එලඟිතෙල් මේස හැඳි 3 ක්
🌺 සිහින්ව කපාගත් කජු මේස හැඳි 2 ක් පමණ (මම ටුටී ෆෘට් මේස හැන්ඳක් එකතු කලා කජු සමග)
🌺 ලුනු ස්වල්පයක්
🌺 එනසල් කුඩු හෝ රෝස් එසන්ස් ස්වල්පයක්
🌺 කලරින්
🌺 පිටි දියකර ගැනීමට වතුර කෝප්ප 2 ක්

✅ සාදා ගන්නා ආකාරය :

♨️ මුලින්ම පාන්පිටි වලට වතුර කෝප්ප බාගයෙන් ටික ටික දමමින් අතේ නොඇලෙන පිටි මෝලියක් අනා ගන්න.
♨️ අනාගත් පිටි මෝලිය වසා පැයක් පමණ තබන්න.
♨️ දැන් පිටි මෝලියට වතුර කෝප්ප 2 එකතු කර අතින් පොඩි කරමින් පිටි ටික දියකර ගන්න.
♨️ දියකර ගත් පසු කොහොල්ල ගුලියක් වගේ ග්ලූටන් කොටස ඉතුරු වෙනවා .ඒක ඉවත දමන්න.
♨️ දියකර ගත් පිටි මිශ්‍රණය පෙරණයක් ආධාරයෙන් පෙරා ගෙන පසෙකින් තබන්න.
♨️ ඊලඟට භාජනයක් ලිප තබා සීනි ,ලුනු සහ වතුර කෝප්ප 1 ක් එකතු කර ඉටි පදමට එනතුරු උතුරවා ගන්න.
♨️ දැන් වතුරෙහි දියකර ගත් පිටි මිශ්‍රණය කලවම් කර උනුකර ගත් සීනි මිශ්‍රණයට එකතු කර නොනවත්වා හැඳි ගාන්න.
♨️ මිශ්‍රණය ඝන වේගෙන එන විට එලඟිතෙල් මේස හැන්ඳක් එකතු කර මිශ්‍රණය ට උරා ගන්නා තෙක් හැඳි ගාන්න. මේ විදියට එලඟිතෙල් මේස හැඳි 3 වරින්වර එකතු කර හැඳි ගාන්න.
♨️ දැන් කලරින් ,රෝස් එසන්ස් හෝ එනසල් කුඩු එකතු කර හොඳින් මිශ්‍ර කරන්න.
♨️ අවසානයට කජු එකතු කරන්න.
♨️ ලිපෙන් ඉවතට ගෙන බටර් තවරාගත් තැටියක දමා පැයක් පමණ තබන්න.
♨️ නිවුනු පසු කෑලි කපා ගන්න.

❤️ ඔන්න එහෙනම් ඔයාලත් හදලා රස කියන්නකෝ ❤️

සැකසුම : © නදීෂා ගමගේ ..හෙළයේ රස මිහිර