පොල් වතුරෙන් විනාකිරි හදමු (Winakiri Hadamu)

ගෙදරදිම පොල් වතුරෙන් විනාකිරි හදා ගන්න ක්‍රමයක් මං ඔයාලට කියලා දෙන්න හිතුවා. ඇත්තටම මේ ක්‍රමයට හදා ගන්න විනාකිරි නියම පොල් විනාකිරි රසය සහ සුවඳ තියෙනවා . ඉතිං ඔයාලත් උත්සාහ කරලා බලන්න .

✅ අවශ්‍ය ද්‍රව්‍ය :

🔹 පොල් වතුර ලීටර් 1 ක්
🔹 සීනි 125g ක්
🔹 යීස්ට් තේ හැඳි 1/2 ක් පමණ
🔹 මුහුන් සඳහා විනාකිරි 100ml ක් පමණ

✅ සාදා ගන්නා ආකාරය :

🌀 මුලින්ම පොල් වතුර භාජනයකට පෙරා ගන්න. මැටි භාජනයක් පාවිච්චි කරන්න, එය වඩා හොඳයි .
🌀 පෙරාගත් පොල් වතුරට සීනි එකතු කර නටන තෙක් උණු කර ගන්න.
🌀 පසුව එය කාමර උශ්ණත්වයට එන තෙක් තබන්න.
🌀 දැන් නිවුනු විනාකිරි ද්‍රාවණයට යීස්ට් එකතු කර මිශ්‍ර කර ගන්න.
🌀 ඊලඟට අඳුරු පැහැති පියන සහිත භාජනයකට මෙම ද්‍රාවණය දමා පියනෙන් වසා සතියක් පමණ පැසීමට තබන්න.
🌀 සතියකට පසු නැවත මැටි භාජනයකට මෙම ද්‍රාවණය පෙරා අඩුම උශ්ණත්වයේ විනාඩි 20ක් පමණ රත් කර ගන්න.
🌀 දැන් සිසිල් වනතුරු තබන්න.
🌀 නිවුනු පසු මුහුන් ලෙස විනාකිරි එකතු කර මිශ්‍ර කර ගන්න.
🌀 අනතුරුව භාජනයකට දමා පියනෙන් වසා මාසයක් තබන්න.
🌀 මාසයකට පසු ඔයාලට පෙනේවි හොඳින් පැසුනු විනාකිරි ද්‍රාවණයක් . ඒවගේම විනාකිරි සුවඳ හොඳින් දැනේවි.
🌀 දැන් නැවත මේ ද්‍රාවණය මැටි භාජනයකට දමා අඩුම උශ්ණත්වයේ විනාඩි 20ක් පමණ රත් කරන්න.
🌀 නිවෙන්නට පෙර අඳුරු පැහැ ප්ලාස්ටික් බෝතල් වල අසුරා ගන්න.

සැකසුම : © නදීෂා ගමගේ ..

හෙළයේ රස මිහිර