පුරාණ ලෝකයේ පුදුම හත - තෙවැනි කොටස (Sevens Wonders Of The Ancient World - Part Three)

⚫හැලිකාර්නාසස් හි සොහොන් ගෙය (Mausoleum at Halicarnassus)

වර්තමානයේ ගිනිකොනදිග තුර්කියේ පිහිටා ඇති හැලිකාර්නාසස් සොහොන් ගෙය ආටෙමිසියා රැජින විසින් ඇගේ ස්වාමිපුරුෂයා වන කානියාවේ රජු වූ මවුසොලස් මිය ගිය පසු ඔහු වෙනුවෙන් ක්‍රි.පූ.353 දී ඉදිකරන ලදී.

මවුසොලස් රජු, ආටෙමිසියාගේ සහෝදරයාද වූ අතර, පුරාවෘත්තයට අනුව, ඔහු මිය යාම ගැන ඇය අතිශයින් ශෝකයට පත් වූවාය. ඇය ඔහුගේ අළු වතුර සමග මිශ්‍ර කර ඒවා පානය කළ බවද ඉතිහාසයේ සදහන් වේ.

මෙම දැවැන්ත සොහොන් ගෙය මුළුමනින්ම සුදු කිරිගරුඬ වලින් සාදා ඇති අතර එය අඩි 135 ක් පමණ උසින් යුක්ත යැයි සැලකේ. ගොඩනැගිල්ලේ සංකීර්ණ සැලසුම සෘජුකෝණාස්රාකාර ස්ථර තුනකින් සමන්විත වන අතර එය ලයිසියානු, ග්‍රීක සහ ඊජිප්තු ගෘහ නිර්මාණ ශෛලීන් එක් කොට සිදු කරන ලද්දක් බව විශ්වාස කෙරේ. පළමු ස්ථරයේ අඩි 60 ක පඩිපෙළක් වූ අතර, පසුව යකඩ තීරු 36 ක මැද තට්ටුවක් සහ පියවරෙන් පියවර පිරමීඩ හැඩැති වහලක් විය. වහලයේ මුදුනේ මූර්ති ශිල්පීන් හතර දෙනෙකුගේ නිර්මාණ වලින් සරසා ඇති සොහොන් ගෙය සහ අශ්වයන් හතරදෙනෙකුගෙන් යුත් අශ්ව රථයක අඩි 20 ක කිරිගරුඬ නිමැවුමක් ඇත.

13 වන ශතවර්ෂයේ ඇති වූ භූමිකම්පාවකින් සොහොන් ගෙය බොහෝ දුරට විනාශ විය.1846 දී මින් සමහර කොටස් ලන්ඩනයට රැගෙන ගිය අතර බ්‍රිතාන්‍ය කෞතුකාගාරයේ හැලිකාර්නාසස් අඩවියේ අදටද ඒවා දැකිය හැකිය.

⚫රෝඩ්ස්හි කොලොසස් (Colossus of Rhodes)

රෝඩ්ස් හි කොලොසස් යනු තුන්වන සියවසේදී රොඩියන්වරුන් විසින් වසර 12 ක් පුරා ඉදිකරන ලද හීලියස් නම් හිරු දෙවියන්ගේ අතිවිශාල ලෝකඩ මූර්තියකි. සිව්වන සියවසේ මුල් භාගයේදී මැසිඩෝනියානු වටලෑමක් සිදු වූ අතර පුරාවෘත්තයට අනුව, රොඩියන්වරු මැසිඩෝනියානුවන්ට කොලොසස් විනාශ නොකර සිටීමට කරන ලද ගෙවීම ලෙස ඉතිරි මෙවලම් සහ උපකරණ විකුණා දමා එම ගෙවීම් සිදු කලා. චරෙස් නම් මූර්ති ශිල්පියා විසින් නිර්මාණය කරන ලද මෙම ප්‍රතිමාව අඩි 100 ක් උසැති පුරාණ ලෝකයේ උසම නිර්මාණය විය. එය ක්‍රි.පූ.280 දී භූමිකම්පාවකින් පෙරළෙන තෙක් අවුරුදු හැටක් සිටගෙන සිටියේය.

නමුත් කිසි විටෙකත් මෙම පිළිමය නැවත ගොඩනඟා නැත. අවුරුදු සිය ගණනකට පසු අරාබිවරු රෝඩ්ස් ආක්‍රමණය කර පිළිමයේ නටබුන් ලෝහ ලෙස විකුණූහ. මේ නිසා පුරාවිද්‍යාන්යින් පිළිමයේ නිශ්චිත ස්ථානය ගැන හෝ එය මොන වගේද යන්න ගැන වැඩි යමක් දන්නේ නොදනී. බොහෝ දෙනා විශ්වාස කරන්නේ සූර්ය දෙවියන් නිරුවතින් සිටගෙන සිටියදී ඔහු එක් අතකින් විදුලි පන්දමක් ඔසවා අනෙක් අතේ හෙල්ලයක් තබාගෙන සිටින බවයි. පිළිමය වරායේ දෙපසට එක් කකුලක් බැගින් තබා ඇති බව වරක් විශ්වාස කෙරුණි. නමුත් දැන් බොහෝ විද්වතුන් එකඟ වන්නේ පිළිමයේ කකුල් බොහෝ දුරට එකට ඉදිකර තිබෙන්නට ඇති බවත්, ඒ එහි දැවැන්ත බරට සහය දැක්වීම සඳහා බවත්ය.

⚫ඇලෙක්සැන්ඩ්‍රියාවේ ප්‍රදීපාගාරය (Lighthouse of Alexandria)

ඇලෙක්සැන්ඩ්‍රියාවේ ප්‍රදීපාගාරය පිහිටා තිබුණේ ඇලෙක්සැන්ඩ්‍රියා නගරයට ආසන්නයේ පිහිටි ෆාරෝස් නම් කුඩා දූපතක ය. ග්‍රීක ගෘහ නිර්මාණ ශිල්පී සොස්ට්‍රාටෝස් විසින් එය නිර්මාණය කරන ලද අතර එය ක්‍රි.පූ.270 දෙවන ටොලමිගේ පාලන සමයේදී වැඩ නිමකරන ලදී. ප්‍රදීපාගාරය නගරයේ කාර්යබහුල වරායට හා ඉන් පිටත නයිල් ගංගාවේ ගමන් ගන්නා නැව් මෙහෙයවීමට බොහෝ උපකාරී විය.

ගවේෂකයන් විසින් ප්‍රදීපාගාරය නිරූපණය කර ඇති පුරාණ කාසි සොයාගෙන ඇති අතර, එම ව්‍යුහයට අනුව ස්ථර තුනක් ඇති බව අනුමාන කර ඇත. පතුලේ හතරැස් මට්ටමක්, මැද අෂ්ටාස්‍ර මට්ටමක් සහ මුදුන සිලින්ඩරාකාර ලෙස මෙය පැවති බව විශ්වාස කෙරේ. ඊට ඉහළින් අඩි 16 ක ප්‍රතිමාවක් තිබී ඇති අතර, ඒ බොහෝ දුරට දෙවන ටොලමි හෝ මහා ඇලෙක්සැන්ඩර් විය හැකිය. ප්‍රදීපාගාරයේ උස අඩි 200 සිට 600 දක්වා වූ නමුත් බොහෝ නූතන විද්වතුන් විශ්වාස කරන්නේ එය අඩි 380 ක් පමණ උස බවය.

ක්‍රි.ව.956 සිට ක්‍රි.ව.1323 දක්වා වූ භූමිකම්පා මාලාවකින් මෙම ප්‍රදීපාගාරය ක්‍රමයෙන් විනාශ විය. එහි නටබුන් සමහරක් නයිල් ගඟේ පතුලේ තිබී සොයාගෙන ඇත.

👇👇👇 අපගේ android app එක(Click Image) 👇👇👇