රාබු අච්චාරු හදමු (Rabu Achcharu)

හැමදේම මිල අධික මේ කාලෙ කටට රසට ආහාර වේලක් සකස් කර ගන්න එක කාටත් මේ දවස්වල ලොකු ප්‍රශ්ණයක් නේද . ඉතිං මං හිතුවා ගෙදර තියන පොඩි පොඩි දේවල් ටිකක් එකතු කරගෙන මේ වගෙ අච්චාරුවක් සකස් කර ගත්තොත් ආහාර වේල රසවත් කර ගන්න ලොකු පහසුවක් වෙයි කියලා 😍

✅ අවශ්‍ය ද්‍රව්‍ය :

🌶️ තරමක රාබු අලයක්
🌶️ කැරට් අලයක්
🌶️ අමු මිරිස් ටිකක්
🌶️ ලොකු බී ලූණු ගෙඩියක්
🌶️ තලාගත් අමු ඉඟුරු සහ සුදුළූනු ටිකක්
🌶️ විනාකිරි කෝප්ප 1/2 ක් පමණ
🌶️ අබ කුඩු තේ හැඳි 1 ක්
🌶️ ගම්මිරිස් කුඩු තේ හැඳි 1/2 ක්
🌶️ මිරිස් කුඩු තේ හැඳි 1 ක්
🌶️ කහකුඩු තේ හැඳි 1/4 ක් පමණ
🌶️ සීනි තේ හැඳි 1ක්
🌶️ රස අනුව ලුනු

✅ සාදා ගන්නා ආකාරය :

♨️ මුලින්ම රාබු සහ කැරට් පොතුහැර සෝදා අඟලක පමණ දිග තීරු කපා ගන්න .
♨️ අමු මිරිස් සෝදා දෙකට පලා ගන්න.
♨️ ළූනු කොටු හෝ තීරු කපා ගන්න.
♨️ දැන් භාජනයක් ලිප තබා එයට විනාකිරි සහ අනෙකුත් කලමණා දමා රත් කරන්න .
♨️ රත් වූ පසු තීරු කපාගත් කැරට්,රාබු, අමු මිරිස් සහ ලූනු එකතු කර හොඳින් කලවම් කර ලිපෙන් ඉවතට ගෙන වසා තබන්න .
♨️ පසුව ජීවානුහරණය කල වීදුරු බෝතල් වල අසුරා තබා ගන්න . දිනකට පසු කෑමට ගන්න පුළුවන් .

හෙළයේ රස මිහිර