නිරෝගි සුව කැදවන පොල්පලා (Aerva Lanata)

🌿 සිරුරේ බොහෝ රෝග තත්ත්වයන්ට පොල්පලා ගුණ දෙන බව පසුකාලීන පර්‍යේෂණවලින් සනාථව ඇති අතර පැරැන්නන් එම ඔසුවෙහි අගය මනාව දැන සිටියා වැනියි.

🌿 Amaranthaceae, කුලයට අයත් පොල්පලා අඩි 2ක් පමණ උසට වැඩෙන කුඩා බහු වාර්ෂික ශාකයක් .

🌿 එය සියුම් සුදු බූවක් සහිතයි. කුඩා පත්‍ර නැටි අසල පිපෙන සුදු ද්විලිංගික මල් පොකුරු , ශාකය මල්වැලක් සේ අලංකාර කරනවා . ඒවායින් සැදෙන බීජ මෝරා පැළ ව්‍යාප්තිය සිදුවනවා.

🌿 පොල්පලා අප්‍රිකාව නිජබිම කරගත් ශාකයක්. මෙරට ඉන්දියාව ඔස්ට්‍රේලියාව ඇතුළු ඇතැම් රටවල බහුලව දක්නට ලැබෙන්නක්..

🌿 එය කැල්සියම් සින්ක් කාබොහයිඩ්‍රේට් ප්‍රෝටීන් ඇමයිනෝ අම්ල සැපොනින් ,ටැනින් ඇල්කොලයිඩ ෆ්ලේවනොයිඩ ආදි විවිධ පෝෂක රසායනවලින් පොහොසත්.

🌿 ප්‍රතිශක්තිකරණ ප්‍රති ප්‍රදාහ ප්‍රතිඅසාත්මික ප්‍රති ඔක්සිකාරක ගුණ හා ක්ෂුද්‍රජීවි නාශක දිලීර නාශක බැක්ටීරියා නාශක .ශක්තිය සහිතයි.

🌿 පොල් කුඩු පලා, පහන බෙය, සිරැපුලායි අත්මබයිදා mountain knot grass ,chaya ආදි නම් ගණනාවකින් හඳුන්වනු ලබනවා..

🌿 ශාක මල් මුල්. පත්‍ර ඇට යන සියලු කොටස් ඔසු ගුණයෙන් යුක්තයි .

🌿 සලාද මැල්ලුම් වෑංජන කොළ කැඳ හා තැම්බු දිය වශයෙන් ආහාරයට ගෙන එම ඔසු වාසි බොහොමයක් අත්කරගත හැකියි.

🌿 සිසිල ගුණැති ශාකය ශ්වේද කාරකයක්. දාහය නිවන්නක්. උෂ්ණ රෝග වලදී සහන සලසන්නක්.

🌿 ශාක යුෂ පානය සුර්‍ය රශ්මියෙන් සමට වන හානි වළකමින් සමේ තෙතමනය රැක දෙනවා..පාචනය වැනි රෝගවලදී ඇතිවන විජලනය, දුරු කිරීමට උපකාරිවනවා.විවිධ රෝග පාලනයට ශාක කොටස් හා ශාකය සහමුලින්මත් යොදාගන්නවා.

🌿 පොල්පලා වඩාත් ප්‍රකට මුත්‍රා පද්ධතිය ආශ්‍රිත රෝග සුවයටයි. මුත්‍රා දැවිල්ල .මුත්‍රා අඩස්සිය වේදනාත්මක මුත්‍රා පහවීම් මුත්‍රා ගල්, ,වකුගඩුගල් ආදි සියලු තත්ත්ව වලදී ශාකය මනා ප්‍රතිචාර දක්වන බව සඳහන්.

🌿 එය මුත්‍රාකාරකයි . වකු ගඩු පිරිසුදු කර දෙන්නක් . පෙරදිග රටවල පමණක් නොව රුසියාව ජර්මනිය ආදි රටවලත් වකුගඩු පිරිසිදු කරන්නක් ලෙස යොදා ගනු ලබන්නක්.

🌿 ශ්වසන පද්ධතිය ආශ්‍රිත කැස්ස ඇදුම පීනස මෙන්ම උණ හිසරුදා ආදියේදී ප්‍රතිකාර සඳහා ශාකය සහායවනවා. එය මැලේරියා ටයිපොයිඩ් උණ මර්දනය කරන්නක් .

🌿 ශාක මුල් හා මල් රූමැටික උණ පාලනය කරනවා.ශාක ඇට ශීර්ෂ රෝග ප්‍රතිකාර සඳහා යොදා ගන්නවා.

🌿 හෘද රෝග කාන්තා රෝග ප්‍රමේහ ප්ලීහා රෝග ගුල්ම පාංඩුව ආදියේදී , ප්‍රතිකාර කිරීමට ශාකය සහමුලින් උපයෝගිකර ගන්නවා.

🌿 පොල්පලා මෘදුකාරක ගුණ සහිතයි. ආහාර ජීර්ණ පද්ධතිය ආශ්‍රිත මලබද්ධය අර්ශස් පාචනය ආදි රෝග පාලනය කරනවා.

🌿 පණුවන් නසනවා. ආහාර රුචිය වඩනවා.

🌿 පහසුවෙන් දිරවීමටත් නිරෝගි බව ලබාදීමටත් ඇති හැකියාව නිසා, ඝන ආහාරවලට හුරුවන කුඩා දරුවන්ගේ ආහාරයටත් යෝග්‍යයි.

🌿 පොල්පලා දලු රතුලූනු සමග පොල්කිරි ස්වල්පයක් යොදා දරුවාට පිසදීම සුදුසු බව දැක්වෙනවා.

🌿 පොල්පලා පිළිකා සෛල මර්දනයට ද උපකාරී වන්නක්. කැන්ඩිඩා වැනි දිලීර රෝගවලට එරෙහි ප්‍රතිචාර දක්වන්නක්

🌿 එසේ ම ශීර්ෂ රෝගපාලනය කරන්නක්. දන්ත ආබාධ මෙන්ම අක්ෂි ආබාධ සඳහා ද යොදාගනු ලබන්නක් .උගුරේ වේදනා දුරුකරන්නක්.ගල්වීම්, ඉදිමීම් බැහැරකරන්නක්.අභ්‍යන්තර අවයවවල ඉදිමුම්ද දුරුකරන්නක්.

🌿 පොල්පලා රුධිරගත සීනි පාලනය කර දියවැඩියාව වළක්වනවා. මේදය දහනය කර කොලෙස්ටරෝල් පාලනය කරනවා

🌿 රුධිරය වර්ධනය කර නීරක්තිය ද පළවා හරිනවා..

🌿 විෂ නාශක ගුණ සහිත ශාකය අක්මාවට හිතකරයි. එය අක්මාවේ ප්‍රතිසංස්කරණ සිදු කරනවා.

🌿 එහි ඇතිවන සෙංගමාලය කහඋණ ආදී රෝග පාලනයට පොල්පලා කැඳ හා ඔසු පැන් ලබාදෙනවා.

🌿 පත්තෑයන් ගෝනුස්සන් වැනි විෂ සතුන් දෂ්ට කළ විට, විස දුරලනවා. සර්පයන් දෂ්ට කළ විට පොල්පලා අඹරා ගෑම විස බැසීමට උපකාර වන බව යි. අස්ථි ශක්තිමත් කරන පොල්පලා ආතරයිටිස් රෝගය ද පාලනය කරන්නක්.

🌿 ගොනෝරියා හා H I V වයිරස් රෝග පාලනය කරමින් සමාජ රෝගවලට එරෙහිව ක්‍රියාත්මක වන්නක්.මොළය නිරෝගිකරමින් ඇල්ෂයමර් වැනි මතක ගිලිහෙන රෝගවලට ද ප්‍රතිචාර දක්වන්නක්.

🌿 පොල්පලා ඉතා ගුණදායක වුවත් එහි ප්‍රබලත්වය නිසා අසීමිතව ගැන්ම සිරුරට අහිතකරයි . අධි මාත්‍රා ගැන්මෙන් වකුගඩුවලට හානි සිදුවීමටත් හැකියි.

🌿 වෛද්‍ය උපදෙසක් නොමැතිව පොල්පලා ආහාරයට ගැනීම සතියකට වරකට දෙකකට සිමාකිරීම යහපත්.

⭕පොල්පලාවලින් අත් බෙහෙත්

✅ මුත්‍රා ගල් වකුගඩු ගල් බැහැර කිරීමට හා ඇතිවීම වැළැක්මට

කඳ කොළ මල් කොටස් සහිත ළපටි පොල්පලා දලු රතුලූනු සුදුලූනු අමුමිරිස් සමග ගිතෙල් යොදා මළවා කෑම

✅ මකුළුවන් දෂ්ටකළ විට

පොල්පලා දෙහි ඇඹුලෙන් අඹරා දින දෙක තුනක් ගෑම

✅ හිස රුදාවට

පොල්පලා මුල් ඇල්දියෙන් අඹරා නළලේ ගෑම

✅ ඇදුමට හතියට

පොල්පලා මල් හාකොළ හෝ වියළා ගත් ශාක කැබලි ගිනි කබලක දමා එම දුම ආශ්වාස කිරීම

✅ කැස්සට

වියළි පොල්පලා චූර්ණය මේස හැන්දක් නටන උණු වතුරට දමා සීනි සමග පානය කිරීම

✅ කොන්දේ අමාරුවට

පොල්පලා කොටා පොට්ටනි කර වංඩුවේ තම්බා තැවීම

✅ මුත්‍රා ආසාදන හා වකුගඩු ගල් වැළැක්මට

පොල්පලා ශාකයක් සහමුලින් ගෙන වතුර බෝතලයක් දමා මැටි මුට්ටියක හොඳින් උණුකර රාත්‍රි ආහාරයට පැයකට පමණ පසු පෙරා පානය කිරීම

👇👇👇 අපගේ android app එක(Click Image) 👇👇👇

View my Flipboard Magazine.

උපුටා ගැනීමකි...

About Wanni Arachchige Udara Madusanka Perera

Hey, I'm Perera! I will try to give you technology reviews(mobile,gadgets,smart watch & other technology things), Automobiles, News and entertainment for built up your knowledge.